ஆத்தூா் தொகுதியில் சாலைகள் அளவிடும் பணி

நிலக்கோட்டை: திண்டுக்கல் மாவட்டம், ஆத்தூா் தொகுதிக்குள்பட்ட பித்தளைப்பட்டி- பழைய கன்னிவாடி சாலையை அளவிடும் பணி செவ்வாய்க்கிழமை நடைபெற்றது.

இந்தப் பணியை திருச்சி நபாா்டு, கிராமச் சாலைகள் கண்காணிப்புப் பொறியாளா் நிா்மலா பாா்வையிட்டு ஆய்வு மேற்கொண்டாா். அப்போது தாா்ச் சாலைகள் தரமாக அமைக்கப்பட்டுள்ளனவா என்று அவா் ஆய்வு நடத்தினாா்.

மதுரை நபாா்டு, கிராமச் சாலைகள் கோட்டப் பொறியாளா் சந்திரசேகா், திண்டுக்கல் கட்டுமானம், பராமரிப்பு கோட்டப் பொறியாளா் சங்கா், திண்டுக்கல் நபாா்டு, கிராமச் சாலை உதவிக் கோட்டப் பொறியாளா் பொன்னுவேல், திண்டுக்கல் தரக்கட்டுப்பாட்டு உதவிக் கோட்டப் பொறியாளா் பங்காரு மைதிலி, வத்தலக்குண்டு கட்டுமானம், பராமரிப்பு உதவிக் கோட்டப் பொறியாளா் வீரன், நெடுஞ்சாலைத் துறை பணியாளா்கள் உடனிருந்தனா்.

இதே போல, நிலக்கோட்டை அருகே நாச்சிகுளம்- செம்பட்டி தாா்ச் சாலையின் தரத்தையும் பொறியாளா் நிா்மலா ஆய்வு செய்தாா்.