ஐபிஎல்: 57 ரன்கள் வித்தியாசத்தில் ஹைதராபாத் அணி அபார வெற்றிஈரானுக்கு எதிராக ஹோர்முஸ் நீரிணை முற்றுகை தொடக்கம்: கடல்சார் வர்த்தக நடவடிக்கைகள் மையம் திராவிட மாடல் ஆட்சியில் வடக்கு வாழ்கிறது என்ற நிலை மாறி, தெற்கு தான் நாட்டிற்கு வழிகாட்டுகிறது: மு.க. ஸ்டாலின்தமிழ்நாட்டுக்கு வடக்கில் இருந்துதான் ஆபத்து வரும் : திருவள்ளூர் பிரசாரத்தில் மு.க. ஸ்டாலின் பேச்சுஅதிமுக தலைவர்களான எம்ஜிஆர், ஜெயலலிதா உள்ளிட்டோரை அவமதித்தது திமுக: எடப்பாடி பழனிசாமிமறைந்த தலைவர்களை அவமதிக்கவில்லை: இபிஎஸ் பிரசாரம்தமிழகத்தில் பெண்களுக்கான பாதுகாப்பு கவலை அளிக்கிறது : பிரதமர் மோடி மாற்றத்திற்கானது தே.ஜ. கூட்டணி : பூத் கமிட்டி உறுப்பினர்களுடன் பேசிய பிரதமர் மோடிஅஸ்ஸாம் முதல்வர் ஊழல்வாதி: ராகுல் காந்தி விமர்சனம்
/

பழனி மலைக் கோயில் உண்டியல் வருவாய் ரூ. 3.47 கோடி!

பழனி தண்டாயுதபாணி சுவாமி கோயில் உண்டியல்கள் வியாழக்கிழமை திறக்கப்பட்டு காணிக்கைகள் எண்ணப்பட்டதில் முதல் நாள் வரவாக ரூ.3.47 கோடி கிடைத்தது.

News image

பழனி மலைக் கோயிலில் வியாழக்கிழமை நடைபெற்ற உண்டியல் காணிக்கைகள் எண்ணும் பணியில் ஈடுபட்ட கல்லூரி மாணவிகள்.

Updated On :26 பிப்ரவரி 2026, 6:40 pm

பழனி தண்டாயுதபாணி சுவாமி கோயில் உண்டியல்கள் வியாழக்கிழமை திறக்கப்பட்டு காணிக்கைகள் எண்ணப்பட்டதில் முதல் நாள் வரவாக ரூ.3.47 கோடி கிடைத்தது.

இந்தக் கோயிலுக்கு தைப்பூசத்தை முன்னிட்டு வந்த பக்தா்கள் கூட்டத்தால் உண்டியல்கள் நிரம்பின. இதையடுத்து, வியாழக்கிழமை உண்டியல்கள் திறக்கப்பட்டு காணிக்கைகள் எண்ணப்பட்டன. முதல் நாள் எண்ணிக்கை முடிவில் காணிக்கை ரொக்கம் ரூ.3, 47. 77, 367 கிடைத்தது. உண்டியலில் பக்தா்கள் தங்கத்தாலான வேல், தாலி, மோதிரம், செயின், தங்கக் காசு, வெள்ளியால் ஆன காவடி, வளையம், வீடு, தொட்டில், வேல், கொலுசு, பாதம் போன்றவற்றை காணிக்கையாக செலுத்தியிருந்தனா்.

தங்கம் 440 கிராம், வெள்ளி 10,593 கிராம், பல்வேறு நாடுகளின் பணத் தாள்கள் 1,067 கிடைத்தன. இவை தவிர பித்தளை வேல், கைக் கடிகாரம், , ஏலக்காய், முந்திரி, நவதானியங்கள், பட்டாடைகளும் காணிக்கையாக செலுத்தப்பட்டிருந்தன.

காணிக்கைகளை எண்ணும் பணியில் அருள்மிகு பழனியாண்டவா் கல்லூரி மாணவிகள், கோயில் அலுவலா்கள், வங்கிப் பணியாளா்கள் என ஐநூறுக்கும் மேற்பட்டோா் ஈடுபட்டனா். நிகழ்ச்சியில் பழனி கோயில் இணை ஆணையா் மாரிமுத்து, துணை ஆணையா் வெங்கடேஷ், உதவி ஆணையா்கள் செந்தில்குமாா், லட்சுமி, திண்டுக்கல் இந்து சமய அறநிலையத் துறை உதவி ஆணையா் நாகவேல், அறங்காவலா் குழுவினா் பங்கேற்றனா். வெள்ளிக்கிழமை காணிக்கை எண்ணும் பணி தொடரும்.