பயிா்க் கடன் தள்ளுபடி கோரி மறியல்: 529 போ் கைது

பயிா்க் கடன் தள்ளுபடி உள்ளிட்ட பல்வேறு கோரிக்கைகளை வலியுறுத்தி, திண்டுக்கல் மாவட்டத்தில் 15 இடங்களில் புதன்கிழமை நடைபெற்ற மறியல் போராட்டத்தில் 529 போ் கைது செய்யப்பட்டனா்.

இடதுசாரி விவசாய சங்கங்கள் கூட்டியக்கம் சாா்பில், திண்டுக்கல் அடுத்த ரெட்டியப்பட்டியில் இந்திய கம்யூ. கட்சியின் (சிபிஐ) மாவட்டத் தலைவா் பி. வெள்ளச்சாமி, குஜலியம்பாறையில் விவசாயச் சங்க ஒன்றியச் செயலா் சிவக்குமாா், வடமதுரையில் மாவட்டத் துணைத் தலைவா் பி. செல்வராஜ், வேடசந்தூரில் ஒன்றியத் தலைவா் எம். பெரியசாமி, கன்னிவாடியில் ஒன்றியத் தலைவா் நாட்டுத் துரை, ஒட்டன்சத்திரத்தில் மாவட்டத் துணைத் தலைவா் தயாளன் ஆகியோா் தலைமையில் மறியல் போராட்டம் நடைபெற்றது. இந்தப் போராட்டத்தின்போது, தோ்தல் வாக்குறுதியின்படி விவசாயப் பயிா்க்கடன்களை முழுமையாக தள்ளுபடி செய்ய வேண்டும். விவசாயிகளுக்கும், பொதுமக்களுக்கும் எதிரான ஸ்மாா்ட் மீட்டா் திட்டத்தைக் கைவிட வேண்டும். திண்டுக்கல் மாவட்டத்தை வறட்சி மாவட்டமாக அறிவித்து ஏக்கருக்கு தலா ரூ. 25 லட்சம் வீதம் இழப்பீடு வழங்க வேண்டும். வறட்சியால் பாதிக்கப்பட்ட விவசாயத் தொழிலாளா்களுக்கு நிவாரணத் தொகையாக ரூ. 10 ஆயிரம் ம் வழங்க வேண்டும். ஏரி, குளங்கள் உள்ளிட்ட நீா்நிலைகளில் ஆக்கிரமிப்புகளை அகற்றி தூா்வாருவதற்கு நடவடிக்கை எடுக்க வேண்டும் என்பது உள்ளிட்ட கோரிக்கைகளை வலியுறுத்தி முழக்கமிட்டனா். மாவட்டத்தில் 15 இடங்களில் நடைபெற்ற இந்தப் போராட்டத்தின்போது, 102 பெண்கள் உள்பட 529 போ் கைது செய்யப்பட்டனா்.