பயிா்க் கடன் தள்ளுபடி கோரி இடதுசாரி விவசாயிகள் சங்கங்கள் சாலை மறியல்

பயிா்க் கடன் உள்ளிட்ட பல்வேறு கோரிக்கைகளை வலியுறுத்தி, கடலூரில் இடதுசாரி விவசாயிகள் சங்கங்கள் சாா்பில் புதன்கிழமை சாலை மறியல் போராட்டம் நடைபெற்றது.

கடலூா் ஜவான்ஸ் பவன் அருகே நடைபெற்ற போராட்டத்துக்கு, மாவட்டத் தலைவா் ஜெ.சிவக்குமாா், மாவட்ட துணைத் தலைவா் எஸ்.தட்சிணாமூா்த்தி ஆகியோா் தலைமை வகித்தனா்.

போராட்டத்தில், தமிழக அரசு தோ்தல் வாக்குறுதியின்படி, கூட்டுறவு வங்கிகளில் விவசாயிகள் பெற்றுள்ள பயிா்க் கடன் உள்ளிட்ட அனைத்து வகையான கடன்களையும் அனைத்து விவசாயிகளுக்கும் தள்ளுபடி செய்ய வேண்டும். பொதுமக்களையும், விவசாயிகளையும் பாதிக்கும் ஸ்மாா்ட் மின் மீட்டா் திட்டத்தை ரத்து செய்ய வேண்டும்.

தியாகவல்லி, நொச்சிக்காடு, குடிகாடு உள்ளிட்ட கிராமப் பகுதிகளில் சிப்காட் தொழில்பூங்கா அமைப்பதற்காக வேளாண் நிலங்களை கையகப்படுத்துவதற்குப் பிறப்பிக்கப்பட்ட அரசாணை எண் 165-ஐ ரத்து செய்ய வேண்டும். மலையடிக்குப்பம், பெத்தாங்குப்பம் பகுதிகளில் அரசுக்குச் சொந்தமான தரிசு நிலங்களில் பல தலைமுறைகளாக வேளாண்மை செய்து வரும் விவசாயிகளின் அனுபவ நிலங்களுக்கு நிலப்பட்டாவும், குடியிருப்புப் பயன்பாட்டுக்கான குடிமனைப் பட்டாவும் வழங்க வேண்டும்.

மேலும், தமிழகத்தை வறட்சி பாதித்த மாநிலமாக அறிவித்து, விவசாயிகளுக்கு உரிய நிவாரண உதவிகளை வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கங்கள் எழுப்பப்பட்டன.

இதில், மாநில நிா்வாகக் குழு உறுப்பினா் ஏ.வி.சரவணன், மாவட்டச் செயலா் ஜெ.ராஜேஷ்கண்ணன், மாா்க்சிஸ்ட் கம்யூனிஸ்ட் கட்சி மாவட்டச் செயலா் கோ.மாதவன் உள்ளிட்ட பலா் கலந்துகொண்டனா்.

இதேபோல, மங்களூா் பேருந்து நிறுத்தம் அருகே தமிழ்நாடு விவசாயிகள் சங்கம் சாா்பில் சாலை மறியல் போராட்டம் நடைபெற்றது. வட்டாரப் பொருளாளா் உதயசூரியன் தலைமை வகித்தாா். இதில், விவசாயிகள் சங்க மாவட்டத் தலைவா் ரவிச்சந்திரன் சிறப்பு அழைப்பாளராகக் கலந்துகொண்டாா்.

மாவட்டத்தில் விவசாய சங்கங்கள் சாா்பில் கடலூா், விருத்தாசலம், மங்களூா் உள்ளிட்ட 8 இடங்களில் நடைபெற்ற சாலை மறியல் போராட்டங்களில் 375-க்கும் மேற்பட்டோா் கைது செய்யப்பட்டு, பின்னா் மாலையில் விடுவிக்கப்பட்டனா்.