ரெட்டியாா்சத்திரம் அருகே மண் திருட்டு: 3 லாரிகள் பறிமுதல்

ரெட்டியாா்சத்திரம் அருகே மாங்கரை குளத்தில் மண் திருட்டுக்காக பயன்படுத்தப்பட்ட 3 லாரிகள், ஒரு பொக்லைன் இயந்திரம் ஆகியவற்றை போலீஸாா் திங்கள்கிழமை பறிமுதல் செய்தனா்.

திண்டுக்கல் மாவட்டம், காமாட்சிபுரம் பகுதியிலுள்ள தனியாா் தோட்டத்தில் மண் பதுக்கி வைத்திருப்பதாக ரெட்டியாா்சத்திரம் போலீஸாருக்கு தகவல் கிடைத்தது. இதன்படி, போலீஸாா் காமாட்சிபுரத்திலுள்ள தோட்டத்துக்குச் சென்றபோது, மண் திருட்டில் ஈடுபட்ட நபா்கள் அங்கிருந்து தப்பிச் சென்றனா்.

இதையடுத்து, மண் திருட்டுக்கு பயன்படுத்தப்பட்ட 3 லாரிகள், ஒரு பொக்லைன் இயந்திரம் ஆகியவற்றை பறிமுதல் செய்து ரெட்டியாா்சத்திரம் காவல் நிலையத்துக்கு எடுத்துச் சென்றனா்.

இதுகுறித்து அருண்குமாா், கோபால், கிருஷ்ணன், முத்துராம் ஆகிய 4 போ் மீது போலீஸாா் வழக்குப் பதிவு செய்து விசாரித்தனா்.