விபத்தில் தொழிலாளி உயிரிழப்பு

வேடசந்தூா் அருகே அரசுப் பேருந்து மோதியதில் தனியாா் ஆலைத் தொழிலாளி நிகழ்விடத்திலேயே திங்கள்கிழமை உயிரிழந்தாா்.

பெங்களூரிலிருந்து நாகா்கோவில் நோக்கிச் சென்ற அரசுப் பேருந்து திண்டுக்கல் மாவட்டம், வேடசந்தூரை அடுத்த கிரியாம்பட்டி பிரிவு அருகே சென்ற போது, கட்டுப்பாட்டை இழந்து முன்னால் சென்ற இரு சக்கர வாகனத்தின் மீது மோதியது.

இதில் இரு சக்கர வாகனத்தில் பயணித்த தனியாா் ஆலைத் தொழிலாளி சதீஷ்குமாா் (32) உயிரிழந்தாா். இதுகுறித்து வேடசந்தூா் போலீஸாா் வழக்குப் பதிந்து விசாரணை நடத்தியதில், உயிரிழந்த சதீஷ்குமாா், தா்மபுரி மாவட்டத்தைச் சோ்ந்தவா் என்பது தெரிய வந்தது.