சோழவந்தான் ஜனகை மாரியம்மன் கோயில் வைகாசித் திருவிழாவை முன்னிட்டு, திங்கள்கிழமை (மே 21) கொடியேற்றம் நடைபெறுகிறது.
மதுரை மாவட்டம், சோழவந்தான் ஜனகை மாரியம்மன் கோயிலின் முக்கிய விழாவாக வைகாசித் திருவிழா கொண்டாடப்படுகிறது. திங்கள்கிழமை இரவு 7.30 மணிக்கு மேல் 9 மணிக்குள் கொடியேற்றம் நடைபெறும் இவ்விழா, ஜூன் 6 ஆம் தேதி வரை நடைபெறுகிறது. இதையொட்டி, தினமும் காலை மற்றும் இரவு அம்மன் திருவீதி உலா நடைபெறும். ஒன்பதாம் திருநாளான மே 29-ஆம் தேதி நூற்றுக்கணக்கான பக்தர்கள் அம்மனுக்கு பால்குடம், அக்கினிச் சட்டி ஏந்தி நேர்த்திக்கடன் செலுத்துகின்றனர். அன்றைய தினம் இரவு வைகை ஆற்றில் பூப்பல்லக்கில் அம்மன் எழுந்தருளும் வைபவம் நடைபெறும். அதைத் தொடர்ந்து, மே 30-ஆம் தேதி பக்தர்கள் பூக்குழி இறங்கும் நிகழ்ச்சியில், பிற்பகல் 3 மணிக்கு கோயிலில் இருந்து அம்மன் புறப்பாடாகி மந்தைக் களத்தில் எழுந்தருள்வார். பின்னர், அங்கு பக்தர்கள் பூக்குழி இறங்கி அம்மனுக்கு நேர்த்திக்கடன் செலுத்துவர். அதன் பின்னர், இரவு நூதன கோ ரதத்தில் அம்மன் எழுந்தருளி கோயிலை சென்றடைவார்.
விழாவின் 16-ஆம் நாள் நிகழ்ச்சியாக ஜூன் 5-ஆம் தேதி தேரோட்டம் நடைபெறுகிறது. அன்றைய தினம் காலை 7.15 மணிக்கு அம்மன் திருத்தேருக்கு எழுந்தருளும் வைபவமும், பின்னர் காலை 8 மணிக்கு தேரோட்டமும் நடைபெறும். ஜூன் 6 ஆம் தேதி மாலை 4 மணிக்கு வைகாசித் திருவிழா கொடியிறக்கப்பட்டு, மஞ்சள் நீராடுதல் நடைபெறும். அன்றிரவு 7 மணிக்கு வைகையாற்றில் அம்மனுக்கு அபிஷேகமும், இரவு 10 மணிக்கு தீர்த்தவாரி உற்சவமும், அதிகாலை 3 மணிக்கு அம்மன் ஊஞ்சல் உற்சவமும் நடைபெறும்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

மின் சேவை கட்டணங்கள்: தெரிந்துகொள்ள புதிய இணையதளம்
எங்கள் சாதனையை நாங்களே முறியடிக்கும் வகையில் ஆட்சியை அமைப்போம்: ராணிப்பேட்டையில் முதல்வா் மு.க.ஸ்டாலின் பேச்சு

ஏழுமலையானுக்கு ரூ.1.01 கோடி நன்கொடை

பொள்ளாச்சி அருகே பெண்ணை தாக்கியதாக திமுகவினர் மீது புகார்
வீடியோக்கள்
அமைதிப் பேச்சுவார்த்தை தோல்வி! அடுத்தது என்ன?
இணையதளச் செய்திப் பிரிவு
Delhi Vs Chennai | முதல்வரின் சிறுபிள்ளைத்தனம்! அண்ணாமலை Press Meet | BJP | DMK
இணையதளச் செய்திப் பிரிவு

காட்ஸ் அண்ட் சோல்ஜர்ஸ் டீசர்!
இணையதளச் செய்திப் பிரிவு

டார்லிங் மறுவெளியீட்டு டிரைலர்!
தினமணி செய்திச் சேவை

