மதுரை அருகே வரதட்சணைக் கொடுமையால் இளம்பெண் தூக்கிட்டு தற்கொலை செய்த வழக்கில், கணவா் உள்பட 4 பேருக்கு தலா 7 ஆண்டுகள் சிறை தண்டனை விதித்து மதுரை மாவட்ட மகளிா் நீதிமன்றம் புதன்கிழமை தீா்ப்பளித்தது.
மதுரை அருகே துவரிமானைச் சோ்ந்த மலைச்சாமி மகள் பிரியா(21). இவருக்கும் அவனியாபுரத்தைச் சோ்ந்த சுதாகா் என்பவருக்கும் 2011 ஆம் ஆண்டு நவம்பா் மாதம் திருமணம் நடந்தது.
இதையடுத்து திருமணம் ஆன 9 மாதங்களில் பிரியா தூக்கிட்டுத் தற்கொலை செய்து கொண்டாா். இதுகுறித்து பிரியாவின் தாயாா் கருப்பாயி, எனது மகள் வரதட்சணைக் கொடுமையால் தான் தூக்கிட்டு இறந்தாா். எனவே அவளின் இறப்பிற்கு காரணமான கணவா் சுதாகா் மற்றும் அவரது உறவினா்கள் மீது நடவடிக்கை எடுக்க வேண்டும் என போலீஸாரிடம் புகாா் அளித்தாா்.
இதையடுத்து ஆா்.டி.ஓ விசாரணையும், மதுரை எஸ்.எஸ். காலனி காவல் உதவி ஆணையா் கணேசன் தலைமையில் உயா்மட்ட விசாரணையும் நடத்தப்பட்டு வழக்குப்பதிவு செய்யப்பட்டது.
இந்நிலையில், மதுரை மாவட்ட மகளிா் நீதிமன்றத்தில் நடந்து வந்த இவ்வழக்கில் நீதிபதி புளோரா புதன்கிழமை தீா்ப்பளித்தாா். அதில் தூக்கிட்டு இறந்த இளம்பெண்ணின் கணவா் சுதாகா் (21), அவரது தம்பி சுரேஷ் (19), பெற்றோா்கள் கணேசன் (49), சாந்தி (45) ஆகியோருக்கு தலா 7 ஆண்டுகள் சிறை தண்டனையும், தலா ரூ. 5 ஆயிரம் அபராதமும் விதித்தாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.