கத்தியைக் காட்டி இளைஞரிடம் பைக், பணம் பறிப்பு

மதுரையில் கத்தியைக் காட்டி மிரட்டி இளைஞரிடமிருந்து இரு சக்கர வாகனம், செல்லிடப்பேசிகள் மற்றும் பணத்தை மா்மக் கும்பல் பறித்துச் சென்றுள்ளது.

மதுரை மாவட்டம், களிமங்கலம் கிழக்கு தெருவைச் சோ்ந்த முகமது அபுபக்கா் மகன் முகமது ஹசன்அலி (19). இவா், இரு சக்கர வாகனத்தில் வண்டியூா் சுற்றுச்சாலையில் சென்றுகொண்டிருந்தபோது, மா்ம நபா்கள் 4 போ் வழிமறித்து கத்தியைக் காட்டி மிரட்டியுள்ளனா். மேலும், முகமது ஹசன்அலியிடம் இருந்த இரு சக்கர வாகனம், 2 செல்லிடப்பேசிகள், ரூ. 4 ஆயிரம் பணம், கை கடிகாரம் ஆகியவற்றை பறித்துச் சென்றனா். இது குறித்து முகமது ஹசன்அலி அளித்த புகாரின்பேரில், அண்ணா நகா் போலீஸாா் திங்கள்கிழமை வழக்குப் பதிவு செய்து விசாரித்து வருகின்றனா்.

முதியவரிடம் கத்தியைக் காட்டி பணம் பறித்த 3 இளைஞா்கள்

மதுரை நரிமேடு பகுதியைச் சோ்ந்த முருகேசன் மகன் முனியாண்டி (64). இவா் வீட்டின் அருகே தேநீா் கடையில் நின்றுக் கொண்டிருந்துள்ளாா். அப்போது, நரிமேடு தாமஸ் நகரைச் சோ்ந்த பாண்டி மகன் ராஜா (22), அய்யனாா் மகன் விக்னேஸ்வரன் (20), மணி மகன் விஜய் (22) ஆகியோா் முனியாண்டியிடம் கத்தியைக் காட்டி மிரட்டி, அவரிடமிருந்த ரூ. 500 ரொக்கத்தை பறித்துச் சென்றுள்ளனா்.

இது குறித்து முனியாண்டி அளித்த புகாரின்பேரில், தல்லாகுளம் போலீஸாா் திங்கள்கிழமை வழக்குப் பதிவு செய்து விசாரித்து வருகின்றனா்.

காவலாளியை கத்தியால் கீறி பணம் பறிப்பு

மதுரை பொன்மேனி பகுதியில் உள்ள அடுக்குமாடி குடியிருப்பில் எலக்ட்ரீசியனாக பணியாற்றும் கருப்பண்ணனுக்கும், ஒத்தக்கடை அரசரடியைச் சோ்ந்த ஜெயசந்திரனுக்கும் (32) சனிக்கிழமை தகராறு ஏற்பட்டுள்ளது. இது தொடா்பாக போலீஸாா் வழக்குப் பதிவு செய்துள்ளனா். இதையறிந்த ஜெயசந்திரன், அடுக்குமாடி குடியிருப்புக்குச் சென்று கருப்பண்ணனிடம் தகராறு செய்துள்ளாா். அப்போது, பணியில் இருந்த காவலாளி பெரியசாமியை கத்தியால் கீறி, அவரிடமிருந்த ரூ. 2,500 ரொக்கத்தை ஜெயசந்திரன் பறித்துச் சென்றுள்ளாா்.

இது குறித்து எஸ்.எஸ். காலனி போலீஸாா் திங்கள்கிழமை வழக்குப் பதிவு செய்து ஜெயசந்திரனை தேடி வருகின்றனா்.