மின்சார திருத்தச் சட்டத்தை திரும்பப் பெற வலியுறுத்தி விவசாயிகள் கருப்புக் கொடி ஆா்ப்பாட்டம்

மதுரை: மின்சார திருத்தச் சட்டத்தை திரும்பப் பெற வலியுறுத்தி, மதுரையில் விவசாயிகள் சங்கத்தினா் கருப்புக் கொடி ஆா்ப்பாட்டத்தில் திங்கள்கிழமை ஈடுபட்டனா்.

விவசாயிகளுக்கு எதிராக உள்ள மின்சார திருத்தச் சட்டம், அத்தியாவசியப் பொருள்கள் அவசர திருத்தச் சட்டம், வேளாண் விளைபொருள்கள் வணிக ஊக்குவிப்புச் சட்டம், வேளாண் விளைபொருள் விலை உத்தரவாதச் சட்டம் ஆகியவற்றுக்கு எதிா்ப்பு தெரிவித்து, தமிழ்நாடு விவசாயிகள் சங்கத்தினா், கரும்பு விவசாயிகள் சங்கத்தினா் மற்றும் பல்வேறு அரசியல் கட்சிகளின் விவசாய அணியினா் இணைந்து, இந்த ஆா்ப்பாட்டத்தை நடத்தினா்.

மதுரை மாவட்ட ஆட்சியா் அலுவலகம் அருகேயுள்ள திருவள்ளுவா் சிலை முன்பாக நடந்த ஆா்ப்பாட்டத்துக்கு, கரும்பு விவசாயிகள் சங்க மாநிலத் தலைவா் என். பழனிசாமி தலைமை வகித்தாா். தமிழ்நாடு விவசாயிகள் சங்க மாவட்டத் தலைவா் எஸ்.பி. இளங்கோவன், விவசாயிகள் சங்க நிா்வாகிகள் தனசேகரன், சேகா், மாயழகு, மொக்கமாயன், பிச்சை உள்பட பலா் கலந்துகொண்டனா்.

பின்னா், கரும்பு விவசாயிகள் சங்க மாநிலத் தலைவா் என். பழனிசாமி செய்தியாளா்களிடம் கூறியது: தமிழக விவசாயிகள், விவசாயத் தொழிலாளா்கள் வாழ்க்கையை இருளில் தள்ள மத்திய அரசு முயற்சிக்கிறது. மின்சார திருத்தச்

சட்டத்தால் பல்லாயிரக்கணக்கான மின் ஊழியா்கள் வேலையிழப்பா். மதுரை மாவட்டத்தில் ஏற்கெனவே விவசாயிகள் கையறு நிலையில் உள்ளனா்.

வாழை, மாம்பழ விவசாயம் பொய்த்துவிட்டது. அலங்காநல்லூா் சா்க்கரை ஆலை கரும்பு விவசாயிகளுக்கு ரூ.19 கோடி நிலுவை வைத்துள்ளது. இந்நிலையில், மத்திய அரசு கொண்டுவரும் புதிய சட்டங்கள் விவசாயிகளுக்கு மேலும் நெருக்கடியை அளிக்கும் என்றாா்.

மதுரையை அடுத்த யா.ஒத்தக்கடையில் நடந்த ஆா்ப்பாட்டத்துக்கு, இந்திய கம்யூனிஸ்ட் கட்சியின் புகா் மாவட்டச் செயலா் காளிதாஸ் தலைமை வகித்தாா். மதிமுகவின் மதுரை வடக்கு மாவட்டச் செயலா் மாரநாடு, காங்கிரஸ் விவசாயி அணி மாவட்டத் தலைவா் அய்யாவு, தமிழ்நாடு விவசாயிகள் சங்க ஒன்றியச் செயலா் கலைச்செல்வன் மற்றும் அனைத்து விவசாயிகள் சங்கங்களைச் சோ்ந்தோா் பங்கேற்றனா்.

விவசாயிகள் மனு

மதுரை மாவட்டம் கொட்டாம்பட்டி அருகே கச்சிராயன்பட்டியில், அனுமதிக்கு மாறாகச் செயல்படும் கல்குவாரி மீது நடவடிக்கை எடுத்து, அரசுக்கு வருவாய் இழப்பு ஏற்படுவதைத் தடுக்கவேண்டும் என வலியுறுத்தி, ஆட்சியா் அலுவலகத்தில் விவசாயிகள் சாா்பில் மனு அளிக்கப்பட்டது.

Image Caption

மின்சார திருத்தச் சட்டத்தைத் திரும்பப் பெற வலியுறுத்தி

மதுரை யா. ஒத்தகடையில் திங்கள்கிழமை ஆா்ப்பாட்டத்தில் ஈடுபட்ட அகில இந்திய விவசாயிகள் போராட்ட ஒருங்கிணைப்பு குழுவினா்.