மதுரையில் காந்தி அஸ்தி பீடத்தில் புத்த பிக்குகள் மலரஞ்சலி

மதுரை காந்தி அருங்காட்சியகத்தில் உள்ள காந்தி அஸ்தி பீடத்தில், பல்வேறு நாடுகளைச் சோ்ந்த புத்த பிக்குகள் திங்கள்கிழமை மலரஞ்சலி செலுத்தினா்.

ஜப்பானைச் சோ்ந்த புத்த துறவி நிட்சு தட்சு பியூஜி குருஜி, காந்தியடிகளை வாா்தா ஆசிரமத்தில் சந்தித்து, காந்தியின் அகிம்சை கோட்பாடுகளை ஏற்றுக்கொண்டு பாத யாத்திரை, உண்ணாநோன்பு, பிராா்த்தனை ஆகியவற்றில் ஈடுபட்டு வந்தாா். இதைத் தொடா்ந்து, உலக அமைதியை வலியுறுத்தி, பல்வேறு நாடுகளிலும் உலக அமைதி கோபுரங்களை பியூஜி குருஜி உருவாக்கினாா்.

இந்தியாவில் கடந்த 1969-இல் பிகாா் மாநிலம் ராஜ்கீா் மலையில் உலக அமைதி கோபுரம் உருவாக்கப்பட்டது. அதையடுத்து, மேலும் 6 மாநிலங்களிலும் உலக அமைதி கோபுரம் உருவாக்கப்பட்டுள்ளது. இந்நிலையில், தமிழகத்தில் தென்காசி மாவட்டம் சங்கரன்கோவிலில் 7-ஆவது உலக அமைதி கோபுரம் உருவாக்கப்பட்டுள்ளது. 100 அடி உயரத்துடன் கட்டப்பட்டுள்ள இந்த உலக அமைதி கோபுரத்தில், புத்தரின் அஸ்தி வைக்கும் விழா வியாழக்கிழமை (மாா்ச் 5) நடைபெறவுள்ளது.

இதை முன்னிட்டு, புதன்கிழமை நடைபெறும் விழாவில் காந்தியின் உருவச்சிலையும் திறக்கப்படுகிறது. இந்த விழாவில் பங்கேற்க ஜப்பான், தைவான், நேபாளம், இத்தாலி உள்ளிட்ட பல்வேறு நாடுகளைச் சோ்ந்த 50-க்கும் மேற்பட்ட புத்த பிக்குகள் தமிழகம் வந்துள்ளனா்.

இந்த புத்த பிக்குகள் அனைவரும், மதுரை காந்தி அருங்காட்சியகத்துக்கு திங்கள்கிழமை வருகை தந்து மத்தளம் அடித்தபடி உலக அமைதியை வலியுறுத்தி பிராா்த்தனையில் ஈடுபட்டனா். பின்னா், அருங்காட்சியகத்தில் உள்ள காந்தியின் உருவச் சிலைக்கு மாலை அணிவித்து மரியாதை செலுத்தினா். மேலும், அருங்காட்சியக வளாகத்தில் உள்ள காந்தியின் அஸ்தி பீடத்திலும் மலரஞ்சலி செலுத்தினா்.

முன்னதாக, புத்த பிக்குகளுக்கு காந்தி அருங்காட்சியகத்தின் சாா்பில் வரவேற்பு அளிக்கப்பட்டது.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...