முன்னாள் முதல்வா் மு.கருணாநிதி சிலை திறக்க எதிா்ப்பு: போராட்டத்தில் ஈடுபட்ட பாஜகவினா் கைது

மதுரையில் முன்னாள் முதல்வா் மு.கருணாநிதி சிலையை திறக்க எதிா்ப்புத் தெரிவித்து போராட்டத்தில் ஈடுபட்ட பாஜகவினா் 90 பேரை போலீஸாா் புதன்கிழமை கைது செய்தனா்.

மதுரை சிம்மக்கல் பகுதியில் முன்னாள் முதல்வா் மு.கருணாநிதியின் சிலை அமைக்கப்பட்டுள்ளது. சிலையை புதன்கிழமை மாலை திமுக தலைவா் மு.க.ஸ்டாலின் திறந்து வைத்தாா். இந்நிலையில் முன்னாள் முதல்வா் மு.கருணாநிதியின் சிலையை திறக்க அனுமதி வழங்கக்கூடாது என்று வலியுறுத்தி பாஜக சாா்பில் மாவட்ட ஆட்சியா் த.அன்பழகனிடம் செவ்வாய்க்கிழமை மனு அளிக்கப்பட்டது.

மேலும் சிலை திறப்பு விழா நடைபெறும் புதன்கிழமை போராட்டமும் அறிவிக்கப்பட்டது. இதையடுத்து பாஜக மாநகா் மாவட்டத் தலைவா் கே.கே.சீனிவாசன் தலைமையில் தலைமை தபால் நிலையம் முன்பாக திரண்ட பாஜகவினா், சிலை அமைந்துள்ள சிம்மக்கல் பகுதிக்கு ஊா்வலமாக புறப்பட்டுச் சென்றனா். இதையடுத்து அங்கு பாதுகாப்புப்பணியில் ஈடுபட்டிருந்த போலீஸாா் பாஜகவினரை வழிமறித்தனா். ஆனால் போலீஸாா் தடையை மீறி பாஜகவினா் சிம்மக்கல் செல்ல முயன்றதால் இரு தரப்பினருக்கும் இடையே தள்ளுமுள்ளு ஏற்பட்டது. இதையடுத்து போராட்டத்தில் ஈடுபட்ட 10 பெண்கள் உள்பட பாஜகவினா் 90 பேரை போலீஸாா் கைது செய்து குண்டு கட்டாகத் தூக்கிச்சென்று வாகனங்களில் ஏற்றினா்.

இதற்கிடையே பாஜகவினரை ஏற்றிச் சென்ற வாகனத்தை சிம்மக்கல் அருகே வழிமறித்து, வேனுக்குள் இருந்தவா்களை திமுகவினா் தாக்க முயன்றனா். போலீஸாா் அவா்களைத் தடுத்து நிறுத்தினா். இதனால் அப்பகுதியில் பரபரப்பு ஏற்பட்டது.

முக்கிய செய்திகளை உடனுக்குடன் பெற... 'தினமணி'யின் வாட்ஸ்ஆப் செய்திச் சேவையில் இணைந்திருங்கள்...
தினமணி channel on WhatsApp: https://whatsapp.com/channel/0029Va60JxGFcowBIEtwvB0G