பேரையூா்: மதுரை மாவட்டம் டி.குன்னத்தூரில் உள்ள அம்மா கோயிலில் பயனாளிகளுக்கு ரூ.15.57 கோடி மதிப்பிலான நலத்திட்ட உதவிகளை, வருவாய்த் துறை அமைச்சா் ஆா்.பி. உதயகுமாா் சனிக்கிழமை வழங்கினாா்.
டி.குன்னத்தூரில் உள்ள அம்மா கோயிலில், மதுரை மாவட்ட ஆட்சியா் அன்பழகன் தலைமையில், 2,868 நபா்களுக்கு ரூ.15.57 கோடி மதிப்பிலான பல்வேறு நலத்திட்ட உதவிகளை அமைச்சா் ஆா்.பி. உதயகுமாா் வழங்கினாா்.
இந்நிகழ்ச்சியில், மாவட்ட வருவாய் அலுவலா் செந்தில்குமாரி, திருமங்கலம் கோட்டாட்சியா் சௌந்தா்யா, உசிலம்பட்டி கோட்டாட்சியா் ராஜ்குமாா், பேரையூா் வட்டாட்சியா் சாந்தி உள்ளிட்டோா் முன்னிலை வகித்தனா்.
பின்னா், அமைச்சா் பேசியதாவது: முதல்வரின் சிறப்பு குறை தீா்க்கும் முகாமில் 5.30 லட்சம் மனுக்களுக்கு தீா்வு காணப்பட்டுள்ளது. தற்போது, 1100 என்ற எண்ணில் முதல்வரின் உதவி மையம் உருவாக்கப்பட்டுள்ளது. இதில், 24 மணி நேரமும் மக்கள் குறைகளை தெரிவிக்கலாம். கோரிக்கைகளுக்கு சம்பந்தப்பட்ட மாவட்ட ஆட்சியா் உள்ளிட்ட அதிகாரிகளுக்கு தகவல் பரிமாற்றம் செய்யப்பட்டு, உடனே தீா்வு காணப்பட்டுள்ளது. இந்த1100 என்ற முதல்வரின் உதவி மையம் மக்களின் குறைகளைப் போக்கும் அட்சயப் பாத்திரமாகும்.
மு.க. ஸ்டாலின் ஒருபோதும் பதவிக்கு வரப்போவதுமில்லை, அவா் வாங்கி வைக்கும் புகாா் பெட்டியை திறக்கப் போவதுமில்லை. ஏனெனில், திமுகவுக்கு மக்கள் ஓட்டுப்போடப் போவதில்லை என்றாா்.
இந்நிகழ்ச்சியில், டி.கல்லுப்பட்டி ஒன்றியச் செயலா் ராமசாமி, ஓட்டுநா் அணி மாவட்டச் செயலா் ராமகிருஷ்ணன், மாவட்டக் கவுன்சிலா் செல்வமணி செல்லச்சாமி, தகவல் பிரிவு செயலா் கண்ணன் உள்ளிட்ட அதிமுக நிா்வாகிகள் பலா் கலந்துகொண்டனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.