பெட்ரோல், டீசல் விலை உயா்வைக் கண்டித்து ஆா்ப்பாட்டம்

பெட்ரோல், டீசல் விலை உயா்வைக் கண்டித்து, கம்யூனிஸ்ட் மற்றும் விடுதலைச் சிறுத்தைகள் கட்சியினா் திருப்பரங்குன்றம், மேலூா், டி.கல்லுப்பட்டி உள்ளிட்ட பகுதிகளில் திங்கள்கிழமை ஆா்ப்பாட்டம் நடத்தினா்.

திருப்பரங்குன்றம் அருகே திருநகா் 2 ஆவது பேருந்து நிறுத்தம் அருகே நடைபெற்ற ஆா்ப்பாட்டத்துக்கு, மாா்க்சிஸ்ட் கம்யூனிஸ்ட் கட்சியின் மாநிலக் குழு உறுப்பினா் விஜயா தலைமை வகித்தாா். ஆா்ப்பாட்டத்தில், பெட்ரோல், டீசல் விலை ஏற்றத்தைக் கண்டித்தும், மாநிலங்களுக்கு தடையின்றி கரோனா தடுப்பூசி வழங்கவும், வருமான வரிக்கு உள்படாத குடும்பங்களுக்கு மாதம் ரூ. 7,500 கரோனா கால நிவாரணம் வழங்கிட வலியுறுத்தியும் முழக்கமிட்டனா்.

இதில், மாா்க்சிஸ்ட் கம்யூனிஸ்ட் கட்சியின் மாவட்டச் செயற்குழு உறுப்பினா் டி.ஏ. இளங்கோவன், தாலுகா குழு உறுப்பினா்கள் பி. ஈஸ்வரி, எஸ்.எம். பாண்டி, இந்திய கம்யூனிஸ்ட் கட்சியின் சாா்பில் பி. முத்துவேல், விடுதலைச் சிறுத்தைகள் கட்சி சாா்பில் மாவட்டச் செயலா் வெ.பு. இன்குலாப் உள்பட 70-க்கும் மேற்பட்டோா் பங்கேற்றனா்.

மேலூா்

பேருந்து நிலையம் முன்பாக நடைபெற்ற ஆா்பாட்டத்துக்கு, விடுதலைச் சிறுத்தைகள் கட்சியின் மேலூா் தொகுதி செயலா் அய்யாவு தலைமை வகித்தாா். மாா்க்சிஸ்ட் கட்சியின் மேலூா் தாலுகா செயலா் எம். கண்ணன், இந்திய கம்யூனிஸ்ட் கட்சி மேலூா் தாலுகா செயலா் மெய்யா் ஆகியோா் முன்னிலை வகித்தனா். மாா்க்சிஸ்ட் கட்சி மாவட்டக் குழு உறுப்பினா்கள் அடக்கிவீரணன், எஸ்.பி. இளங்கோவன், எஸ்.பி. மணவாளன், வி.சி.க. நிா்வாகி சந்திரமோகன் ஆகியோா் ஆா்ப்பாட்டத்தில் கோரிக்கைகளை வலியுறுத்தியும் மத்திய அரசை கண்டித்தும் பேசினா்.

பேரையூா்

டி.கல்லுப்பட்டியில் பெட்ரோல், டீசல் விலை உயா்வைக் கண்டித்து நடைபெற்ற ஆா்ப்பாட்டத்துக்கு, கம்யூனிஸ்ட் கட்சியின் ஒன்றியச் செயலா் சமையன் தலைமை வகித்தாா். விடுதலைச் சிறுத்தைகள் ஒன்றியச் செயலா் பாண்டியராஜன் முன்னிலை வகித்தாா். இதில், மாா்க்சிஸ்ட், விடுதலைச் சிறுத்தைகள் கட்சி நிா்வாகிகள் என பலா் பங்கேற்றனா்.