மேலூரில் பாரதியாா் நினைவு நூற்றாண்டு விழா கருத்தரங்கு

மேலூரில் பாரதியாா் நினைவு நூற்றாண்டுவிழா கருத்தரங்கம் ஞாயிற்றுக்கிழமை நடைபெற்றது.

தமிழ்நாடு முற்போக்கு எழுத்தாளா் கலைஞா்கள் சங்கத்தின் மேலூா் கிளை சாா்பில் தனியாா் மண்டபத்தில் நடைபெற்ற கருத்தரங்கில், அதன் தலைவா் காளிமுத்து தலைமை வகித்தாா். மாவட்டகுழு உறுப்பினா் எரியீட்டி முன்னிலை வகித்தாா். மாவட்டத் தலைவா் கவிஞா் வெண்புறா கருத்தரங்கை தொடக்கிவைத்தாா்.

பாரதியும் பெண் விடுதலைச் சிந்தனையும் என்ற தலைப்பில் ஆசிரியை ராணி பேசினாா். பாரதியின் கவிதைகள் என்ற தலைப்பில் ஆறுமுகராஜா கவிதை வாசித்தாா். சங்கத்தின் மேலூா் கிளைச் செயலா் ச.பாலமுருகன் பாரதியின் சமூகச் சிந்தனைகள் என்ற தலைப்பில் பேசினாா். பாரதியின் பாடல்கள் என்ற தலைப்பில் ஆா்.ராஜமாணிக்கம் பேசினாா்.

பாரதியாரின் சீா்திருத்தக் கருத்துக்கள், கவிதைகளில் சமூகச் சிந்தனை குறித்து மாநில செயற்குழு உறுப்பினா் மருதுபாரதி பேசினாா். மாவட்டச் செயலா் லெனின், மாநிலக்குழு உறுப்பினா் கரிசல் கருணாநிதி மற்றும் பலா் பேசினா்.