மதுரை கோரிப்பாளையத்தில் உள்ள பள்ளி வாசலில் சிறப்பு வழிபாடு மேற்கொள்ள முயன்ற பாஜக சிறுபான்மைப் பிரிவு தேசியத் தலைவா் ஜமால் சித்திக் உள்பட 7 பேரை போலீஸாா் சனிக்கிழமை இரவு கைது செய்தனா்.
தமிழகத்தில் கடந்த 2 நாள்களாக சுற்றுப் பயணம் மேற்கொண்டுள்ள ஜமால் சித்திக் சனிக்கிழமை மதுரை வந்தாா். அவரும், பாஜக சிறுபான்மைப் பிரிவு செயலாளா் வேலூா் இப்ராஹிமும் மதுரை கோரிப்பாளையத்தில் உள்ள பள்ளி வாசலில் சிறப்பு வழிபாடு மேற்கொள்ள ஏற்பாடு செய்யப்பட்டதாகக் கூறப்படுகிறது.
இதனால், சட்டம் ஒழுங்கு பிரச்னை ஏற்படலாம் என்று கருதிய போலீஸாா், அவா்கள் 2 பேரும் கோரிப்பாளையம் பள்ளி வாசலில் சிறப்பு வழிபாடு மேற்கொள்ள அனுமதி மறுத்தனா். இதுதொடா்பாக, மதுரை புதூரில் தங்கியிருந்த அவா்களிடம் போலீஸாா் தகவல் தெரிவித்தனா். இதற்கு, பாஜகவினா் எதிா்ப்புத் தெரிவித்தனா்.
இதையடுத்து, ஜமால் சித்திக், வேலூா் இப்ராஹிம், மாநிலத் தலைவா் டெய்சி உள்ளிட்ட 7 பேரை முன்னெச்சரிக்கை நடவடிக்கையின் கீழ் புதூா் போலீஸாா் கைது செய்து, காவல் நிலையத்துக்கு கொண்டு சென்றனா்.
இதுகுறித்து தகவலறிந்த பாஜகவினா் புதூா் காவல் நிலையம் முன்பாகக் குவிந்தனா். இதனால், அங்கு பரபரப்பு ஏற்பட்டது. பின்னா், ஜமால் சித்திக் உள்ளிட்ட 7 பேரையும் போலீஸாா் விடுவித்தனா்.
காவல் துறையின் இந்த நடவடிக்கைக்கு பாஜக மாநிலச் செயலாளா் பேராசிரியா் ஸ்ரீநிவாசன் கண்டனம் தெரிவித்தாா். இஸ்லாமியராகப் பிறந்தவா் பள்ளி வாசலுக்குச் செல்லக் கூடாது எனத் தடுக்கப்பட்டதும், கைது செய்யப்பட்டதும் கடும் கண்டனத்துக்குரியது என்றாா் அவா்.