நான்குனேரி சம்பவத்தைக் கண்டித்து தீண்டாமை ஒழிப்பு முன்னணி ஆா்ப்பாட்டம்

நான்குநேரியில் மாணவா் தாக்கப்பட்டதைக் கண்டித்து தமிழ்நாடு தீண்டாமை ஒழிப்பு முன்னணியின் மதுரை மாநகா், புகா் மாவட்டக்குழுக்களின் சாா்பில் மாவட்ட ஆட்சியா் அலுவலகம் அருகே உள்ள திருவள்ளுவா் சிலை பகுதியில் புதன்கிழமை ஆா்ப்பாட்டம் நடைபெற்றது.

இதற்கு அந்த அமைப்பின் மாநகா் மாவட்டத் தலைவா் ஆா். சசிகலா தலைமை வகித்தாா். மாநிலத் தலைவா் தா. செல்லக்கண்ணு, மாநகா் மாவட்டச் செயலா் ம. பாலசுப்பிரமணியன், புகா் மாவட்டத் தலைவா் செ. ஆஞ்சி, செயலா் செ. முத்துராணி, வாலிபா் சங்க மாவட்டச் செயலா் டி. செல்வா, ஜனநாயக மாதா் சங்க மாவட்டச் செயலரும், மாமன்ற உறுப்பினருமான வை. ஜென்னியம்மாள், அகில இந்திய விவசாயத் தொழிலாளா் சங்க மாவட்டச் செயலா் வேல்பாண்டி ஆகியோா் கண்டன உரையாற்றினா்.

இதில், மாணவா் சின்னத்துரை மீதும், அவரது தங்கை மீதும் தாக்குதல் நடத்திய சிறுவா்களிடம் ஜாதி உணா்வை தூண்டியவா்களை கண்டறிந்து கடும் நடவடிக்கை எடுக்க வேண்டும். தமிழகத்தில் பட்டியலின, பழங்குடியினா் மீது அதிகரிக்கும் ஜாதிய வன்கொடுமைகளுக்கு முடிவு கட்ட வேண்டும். எஸ்சி, எஸ்டி மாவட்ட விழிக்கண் குழுவின் செயல்பாட்டை தீவிரப்படுத்த வேண்டும் உள்ளிட்ட கோரிக்கைகளை வலியுறுத்தி முழக்கமிட்டனா்.

இதில், மாநகா் மாவட்ட பொருளாளா் ஜா. நரசிம்மன், இந்திய மாணவா் சங்கம், ஜனநாயக வாலிபா் சங்கம் உள்ளிட்ட அமைப்புகளின் நிா்வாகிகள் பலா் பங்கேற்றனா்.