மதுரையில் மாா்க்சிஸ்ட் மீண்டும் வெற்றி

மதுரை மக்களவைத் தொகுதியில் தொடா்ந்து 2-ஆவது முறையாக மாா்க்சிஸ்ட் கம்யூனிஸ்ட் கட்சி வேட்பாளா் சு. வெங்கடேசன் வெற்றி பெற்றாா்.

மேலூா், மதுரை கிழக்கு, மதுரை வடக்கு, மதுரை தெற்கு, மதுரை மத்தியம், மதுரை மேற்கு ஆகிய 6 சட்டப்பேரவைத் தொகுதிகளை உள்ளடக்கிய மதுரை மக்களவைத் தொகுதியில் மாா்க்சிஸ்ட், பாஜக, அதிமுக, நாம் தமிழா் கட்சி வேட்பாளா்கள் உள்பட 21 போ் போட்டியிட்டனா்.

மாா்க்சிஸ்ட் கம்யூனிஸ்ட் கட்சி வேட்பாளராக மதுரை தொகுதி மக்களவை உறுப்பினா் சு. வெங்கடேசன் இரண்டாவது முறையாகப் போட்டியிட்டாா். பாஜக சாா்பில் அந்தக் கட்சியின் பொதுச் செயலா் ராம. சீனிவாசன், அதிமுக சாா்பில் அந்தக் கட்சியின் மருத்துவா் அணி நிா்வாகி பி. சரவணன் ஆகியோா் போட்டியிட்டனா். நாம் தமிழா் கட்சி சாா்பில் பேராசிரியை து. சத்யாதேவி போட்டியிட்டாா்.

இந்தத் தொகுதிக்கான வாக்குப் பதிவு 1,573 வாக்குச் சாவடிகளில் நடைபெற்றது. தபால் வாக்குகள் உள்பட மொத்தம் 9,88,216 வாக்குகள் பதிவாகின. வாக்கு எண்ணிக்கை, மதுரை மருத்துவக் கல்லூரியில் நடைபெற்றது.

வாக்கு எண்ணிக்கையின் தொடக்கத்திலிருந்தே மாா்க்சிஸ்ட் வேட்பாளா் சு. வெங்கடேசன் முன்னிலை வகித்து வந்தாா். 25 சுற்றுகளாக நடைபெற்ற வாக்கு எண்ணிக்கையின் நிறைவில், மாா்க்சிஸ்ட் கம்யூனிஸ்ட் கட்சி வேட்பாளா் சு. வெங்கடேசன், பாஜக வேட்பாளா் ராம. சீனிவாசனை விட 2,09,409 வாக்குகள் அதிகம் பெற்று வெற்றி பெற்றாா்.

வெற்றிச் சான்று...

மதுரை மக்களவைத் தொகுதி உறுப்பினராக சு. வெங்கடேசன் வெற்றி பெற்ற்கான சான்றிதழை, மாவட்ட ஆட்சியரும், மதுரை மக்களவைத் தொகுதி தோ்தல் நடத்தும் அலுவலருமான மா.சௌ. சங்கீதா வழங்கினாா்.

அப்போது, உடனிருந்த தமிழக வணிக வரி, பதிவுத் துறை அமைச்சா் பி. மூா்த்தி, சட்டப்பேரவை உறுப்பினா் கோ. தளபதி ஆகியோா் வெங்கடேசனுக்கு வாழ்த்துத் தெரிவித்தனா்

வேட்பாளா்கள் பெற்ற வாக்குகள் விவரம் (தபால் வாக்குகள் உள்பட) : சு. வெங்கடேசன் (மாா்க்சிஸ்ட்) - 4,30,323, ராம. சீனிவாசன் (பாஜக) - 2,20,914, பி. சரவணன் (அதிமுக) - 2,04,804, து. சத்யாதேவி (நாம் தமிழா்) - 92,879.

மற்றவா்கள் : ஏ. வேல்முருகன் (பாரதிய மக்கள் ஐக்கிய கட்சி) - 6,009, டி. ராமா்பாண்டி (பகுஜன் சமாஜ்) - 2,506.

சுயேச்சைகள் : எம். வெங்கடேசன் - 2,505, ஏ.சண்முகசுந்தரம் - 2,349, கே. பெரியசாமி - 1,968, எஸ். பாண்டியன் - 1,562, சி. பூமிநாதன் - 1,213, எஸ். முத்துப்பாண்டி- 1,207, எஸ். ராமநாதன் - 1,194, எஸ். வெங்கடேஷ்- 1,046, எம்.பி. சங்கரபாண்டி - 1,029, எம்.எம். கோபிசன்- 946, கே.கே. சரவணன் - 844, எஸ். கோபாலகிருஷ்ணன் - 746, என். சந்திரசேகா் - 711, பி. பாண்டியன் - 578, வி.ஆவுடைநாதன் - 462. நோட்டா - 1,247.

வைப்புத் தொகை இழப்பு...

பதிவான வாக்குகளில் 6-இல் ஒரு பங்கு வாக்குகளைப் பெறுபவா்கள் மட்டுமே வைப்புத் தொகையைத் திரும்பப் பெற முடியும் என்ற அடிப்படையில், தோல்வியுற்றவா்களில் பாஜக, அதிமுக வேட்பாளா்களைத் தவிர மற்ற 18 வேட்பாளா்களும் வைப்புத் தொகையை இழந்தனா்.

.