வளா்ச்சிப் பணிகளின் தரத்தில் சமரசம் கூடாது

மதுரை: வளா்ச்சித் திட்டப் பணிகளின் தரத்தில் எவ்வித சமரசத்துக்கும் இடமளிக்கக் கூடாது என மதுரை மாவட்டக் கண்காணிப்பு அலுவலரும், பொதுப் பணித் துறை அரசு முதன்மைச் செயலருமான பி. சந்திரமோகன் தெரிவித்தாா்.

மாவட்ட ஆட்சியரகத்தில் செவ்வாய்க்கிழமை நடைபெற்ற அனைத்துத் தறை அலுவலா்களுடனான வளா்ச்சிப் பணிகள் ஆய்வுக் கூட்டத்தில் பங்கேற்ற அவா் பேசியதாவது :

தமிழகத்தில் வெயிலின் தாக்கம் அதிகரித்து வருகிறது. கோடைகாலத்தில் குடிநீா் தேவை அதிகரிக்கும். இதைக் கருத்தில் கொண்டு, பொதுமக்களுக்கு சீரான குடிநீா் விநியோகம் உறுதி செய்யப்பட வேண்டும். பொதுமக்களுக்கு விநியோகிக்கப்படும் குடிநீரின் அளவை மாநகராட்சி, உள்ளாட்சி அமைப்புகள் தொடா்ந்து கண்காணித்து, தேவைக்கேற்ப குடிநீா் விநியோகிக்க வேண்டும்.

வாய்ப்புள்ள இடங்களில் புதிய நீா் ஆதாரங்களை ஏற்படுத்த வேண்டும். குடிநீா் ஆதாரம் இல்லாத இடங்களுக்கு டேங்கா் லாரிகள், குடிநீா் விநியோக குழாய்கள் மூலம் குடிநீா் விநியோகிக்க வேண்டும். திட, திரவக் கழிவுகள் மேலாண்மையில் உள்ளாட்சிகள் கூடுதல் கவனம் செலுத்த வேண்டும். பொதுமக்களுக்குத் தேவையான அடிப்படை சான்றுகளை தாமதமின்றி வழங்க வேண்டும். சாலைப் பணிகள், கட்டுமானப் பணிகள் உள்ளிட்ட வளா்ச்சித் திட்டப் பணிகள் உரிய தரத்தில், உரிய காலத்தில் நிறைவேற்றப்படுவதை கண்காணித்து உறுதி செய்ய வேண்டும். திட்டப் பணிகளின் தரத்தில் எந்தவித சமரசத்துக்கும் இடமளிக்கக் கூடாது என்றாா் அவா்.

மாவட்ட ஆட்சியா் மா.சௌ. சங்கீதா தலைமை வகித்தாா். கூடுதல் ஆட்சியா் (வளா்ச்சி) மோனிகா ராணா, மாநகராட்சி ஆணையா் ச. தினேஷ்குமாா், மாவட்ட வருவாய் அலுவலா் ர. சக்திவேல், வருவாய்க் கோட்டாட்சியா்கள், அனைத்துத் துறை அலுவலா்கள் கலந்து கொண்டனா்.