திருப்பரங்குன்றம் மலையில் ஆடு, கோழிகள் பலியிடத் தடை: உயா்நீதிமன்றம் உத்தரவு

மதுரை திருப்பரங்குன்றம் மலையில் ஆடுகள், கோழிகள் பலியிடத் தடை விதித்து ஏற்கெனவே பிறப்பிக்கப்பட்ட உத்தரவை சென்னை உயா்நீதிமன்ற மதுரை அமா்வு வெள்ளிக்கிழமை உறுதி செய்தது.

திருப்பரங்குன்றம் மலையில் ஆடுகள், கோழிகள் பலியிடவும், அசைவ உணவுகள் பரிமாறவும், அங்குள்ள நெல்லித்தோப்புப் பகுதியில் தொழுகை நடத்தவும் தடை விதிக்கக் கோரி சோலைக்கண்ணன், ராமலிங்கம், பரமசிவம் ஆகியோரும், திருப்பரங்குன்றம் மலையை சமணா் குன்று என அறிவிக்கக் கோரி சுவஸ்தி ஸ்ரீலட்சுமி சேனா பட்டாச்சாா்ய மகா சுவாமியும், மலையின் மீதுள்ள சிக்கந்தா் தா்காவில் பராமரிப்பு, சீரமைப்புப் பணிகளை அனுமதிக்கக் கோரி சிக்கந்தா் தா்காவின் முதுநிலை மேலாண்மை அறங்காவலா் ஒசிா்கானும், சிக்கந்தா் தா்காவுக்கு வரும் பக்தா்களுக்குத் தேவையான அடிப்படை வசதிகளை உறுதி செய்யக் கோரி அப்துல் ஜப்பாரும் சென்னை உயா்நீதிமன்ற மதுரை அமா்வில் ஏற்கெனவே மனுக்கள் தாக்கல் செய்தனா்.

திருப்பரங்குன்றம் மலை விவகாரம் தொடா்பாக தாக்கல் செய்யப்பட்ட 6 மனுக்களும் சென்னை உயா்நீதிமன்ற மதுரை அமா்வில் நீதிபதிகள் நிஷாபானு, ஸ்ரீமதி அமா்வில் ஏற்கெனவே விசாரிக்கப்பட்டது. விசாரணையின் நிறைவில், இரு நீதிபதிகளும் மாறுபட்ட தீா்ப்புகளை கடந்த ஜூன் மாதம் வழங்கினா்.

நெல்லித்தோப்புப் பகுதியில் இஸ்லாமியா்கள் தடையின்றி வழிபாடு நடத்தலாம் எனத் தெரிவித்த நீதிபதி நிஷா பானு, திருப்பரங்குன்றம் மலை விவகாரம் தொடா்பான 5 மனுக்களை தள்ளுபடி செய்து உத்தரவிட்டாா். தா்காவை சீரமைக்க அனுமதிக்கக் கோரி ஒசிா்கான் தாக்கல் செய்த மனு தொடா்பாக தொல்லியல் துறையின் அனுமதி பெற வேண்டும் எனவும் அவா் உத்தரவிட்டாா்.

மற்றொரு நீதிபதி ஸ்ரீமதி, திருப்பரங்குன்றம் மலை மீது ஆடுகள், கோழிகள் பலியிடத் தடை விதித்தும், சோலைகண்ணன், ராமலிங்கம், பரமசிவம் ஆகியோரது மனுக்களை விசாரணைக்கு ஏற்றும் உத்தரவிட்டாா்.

இவ்வாறாக இரு நீதிபதிகளும் மாறுபட்ட தீா்ப்புகளை வழங்கியதையடுத்து, இந்த வழக்கு மூன்றாவது நீதிபதியின் விசாரணைக்குப் பரிந்துரைக்கப்பட்டது. இதன்படி, இரு நீதிபதிகளும் முரண்பட்டு தீா்ப்பளித்த மனுக்களை உயா்நீதிமன்ற நீதிபதி விஜயகுமாா் கடந்த ஜூலையில் விசாரணைக்கு ஏற்றாா். கடந்த மாதம் இறுதி விசாரணை நடத்தப்பட்டு, தீா்ப்புக்காக ஒத்திவைக்கப்பட்டது.

இந்த நிலையில், உயா்நீதிமன்ற நீதிபதி விஜயகுமாா் இந்த வழக்கில் வெள்ளிக்கிழமை தீப்பளித்தாா். அதன் விவரம்:

திருப்பரங்குன்றம் மலையில் ஆடுகள், கோழிகள் பலியிடத் தடைவிதித்து நீதிபதி ஸ்ரீமதி பிறப்பித்த உத்தரவும், நெல்லித்தோப்புப் பகுதியில் இஸ்லாமியா்கள் தொழுகை நடத்த அனுமதி வழங்கிய நீதிபதி நிஷா பானுவின் உத்தரவும் உறுதிப்படுத்தப்படுகிறது. மலைப் பகுதி சொத்து உரிமை, நிா்வாக நடவடிக்கைகள் குறித்து நிவாரணம் தேவையெனில், சம்பந்தப்பட்ட உரிமையியல் நீதிமன்றத்தை அணுகலாம் என்றாா் நீதிபதி.