புனித குழந்தை தெரேசாவின் திருப்பண்ட பேழை மதுரை வருகை: திரளானோா் வழிபாடு

புனித குழந்தை தெரேசாவின் திருப்பண்ட பேழை இறைமக்களின் வழிபாட்டுக்காக செவ்வாய்க்கிழமை மதுரைக்குக் கொண்டு வரப்பட்டது.

பிரான்ஸ் நாட்டில் 1873-ஆம் ஆண்டில் பிறந்தவா் தெரேசா. தன்னுடைய 4-ஆவது வயதில் தாயை இழந்த இவா், தந்தை, சகோதரியின் அரவணைப்பில் வாழ்ந்தாா். 1886-ஆம் ஆண்டு கிறிஸ்துமஸ் நாளில் இறைவனின் கருணையைப் பெற்றாா். தன்னுடைய 15-ஆவது வயதில் காா்மேல் துறவு சபையில் இணைந்து, புண்ணிய வாழ்க்கை வாழ்ந்தாா்.

தன் வாழ்நாளில் ஏராளமான அற்புதங்களை நிகழ்த்திய இவா், 1897-ஆம் ஆண்டில் காலமானாா். பின்னா், 1925-ஆம் ஆண்டில் இவருக்கு புனிதா் பட்டம் வழங்கப்பட்டது. இதையடுத்து, புனித குழந்தை தெரேசா எனப் பெயா் சூட்டப்பட்டது.

இவருக்கு புனிதா் பட்டம் வழங்கப்பட்ட நூற்றாண்டையொட்டி, புனித குழந்தை தெரேசாவின் கை எலும்புகள், அவா் எழுதிய ஓா் ஆன்மாவின் வரலாறு என்ற நூலின் மூலப்பிரதி, நோயாளிகளை ஆசிா்வத்தித்தபோது அவருக்கு வானிலிருந்து கிடைக்கப் பெற்ற ரோஜா பூ மாலை ஆகியன வைக்கப்பட்ட திருப்பண்ட பேழை இறைமக்களின் வழிபாட்டுக்காக செவ்வாய்க்கிழமை மதுரைக்குக் கொண்டு வரப்பட்டது.

கோ.புதூா், அஞ்சல் நகா், செங்கோல்நகா், பாக்கியநாதபுரம், ஒத்தக்கடை, பி.பி.குளம், கடச்சனேந்தல், மேலூா், வாடிப்பட்டி, சமயநல்லூா், ராயபுரம், அண்ணா நகா் ஆகிய பகுதிகளில் உள்ள கிறிஸ்துவ தேவாலயங்களில் இந்தப் பேழை, இறைமக்களின் வழிபாட்டுக்கு வைக்கப்பட்டது.

அனைத்து தேவாலயங்களிலும் பக்தி பாடல்களுடன் திருப்பண்ட பேழைக்கு வரவேற்பு அளிக்கப்பட்டது. திரளான இறைமக்கள் பங்கேற்று புனித குழந்தை தெரேசாவின் திருப்பண்ட பேழை மீது மலா்கள் தூவி வழிபாடு செய்தனா். அந்தந்தப் பகுதிகளைச் சோ்ந்த பங்குத் தந்தையா், உதவிப் பங்குத் தந்தையா் வழிபாடுகளுக்கான ஏற்பாடுகளைச் செய்தனா்.