அனுமதியின்றி ஒலிபெருக்கி: பாஜக மாநில செயலர் மீது வழக்கு

பரமக்குடியில் அனுமதியின்றி விநாயகர் சிலை வைத்து, ஒலிபெருக்கி கட்டிய பாஜக மாநில செயலர் மீது போலீஸார் சனிக்கிழமை வழக்குப்பதிவு செய்துள்ளனர்.

 விநாயகர் சதுர்த்தியை முன்னிட்டு பரமக்குடி பொன்னையாபுரம் பகுதியில் பாஜக மாநில செயலர் பொன்.பாலகணபதி தலைமையில், அரசு அனுமதியின்றி அப்பகுதியில் விநாயகர் சிலை வைத்தும், ஒலிபெருக்கி வைத்தும் விழா கொண்டாடியுள்ளார்.

 இதுகுறித்து பரமக்குடி நகர் காவல் நிலையத்தில் சார்பு-ஆய்வாளர் ஆறுமுகம் அளித்த புகாரின் பேரில், போலீஸார் பொன்.பாலகணபதி மீது வழக்குப்பதிந்து விசாரித்து வருகின்றனர்.