நீதிமன்ற பணியாளர்களுக்கு புத்தாக்க பயிற்சி

ராமநாதபுரத்தில் நீதிமன்ற பணியாளர்களுக்கு சனிக்கிழமை நடைபெற்ற புத்தாக்க பயிற்சியை மாவட்ட முதன்மை நீதிபதி சுமதி தொடக்கி வைத்தார்.

         ராமநாதபுரத்தில் நீதிமன்றப் பணியாளர்களுக்கு உயர்நீதிமன்றமும், தமிழ்நாடு மாநில நீதிக்குழுமமும் இணைந்து புத்தாக்கப் பயிற்சியை நடத்தின. நீதித்துறையில் தற்போது ஏற்பட்டுள்ள மாற்றங்கள், பணித்திறன் அதிகரிப்புகள் ஆகியன குறித்து பயிற்சியளிக்கப்பட்டது.

   வழக்குரைஞர் அழகர்சாமி குற்றவியல் வழக்குகள் பராமரிப்பு குறித்தும், நீதிமன்ற தலைமை நிர்வாக அதிகாரி வெங்கட்ராமன், சிரஸ்தாரர் மெர்லின் ஜோசப் அமல்தாஸ் ஆகியோர் அலுவலக கோப்புகள் பராமரித்தல் குறித்தும் பயிற்சியளித்தனர். தலைமைக்குற்றவியல் நீதிமன்ற சிரஸ்தாரர் அங்குச்சாமி சிவில் வழக்குகள் பராமரிப்பு குறித்து விளக்கினர்.