ராமநாதபுரம் முத்துமாரியம்மன் கோயிலில் விளக்கு பூஜை

ராமநாதபுரம் வடக்கு புதுத்தெருவில் உள்ள முத்துமாரியம்மன் கோயிலில் ஆடித்திருவிழாவை முன்னிட்டு ஞாயிற்றுக்கிழமை விளக்கு பூஜை நடைபெற்றது.
 இக்கோயில் ஆடித் திருவிழா கடந்த 2 ஆம் தேதி காப்புக்கட்டுதலுடன் தொடங்கியது. 3 ஆம் தேதி சுமங்கலி பூஜையும், 4ஆம் தேதி மஞ்சள் நீராட்டு விழாவும் நடந்தது. ஆடிக்கார்த்திகையை முன்னிட்டு ஞாயிற்றுக்கிழமை  திருவிளக்கு பூஜை நடைபெற்றது. இதில் ஏராளமான பெண்கள் கலந்து கொண்டு விளக்கேற்றி வழிபட்டனர்.
 தொடர்ந்து, திங்கள்கிழமை லலிதா சஹஸ்ரநாம அர்ச்சனையும், செவ்வாய்க்கிழமை பூச்சொரிதல் விழாவும் நடைபெறுகிறது. வரும் 11 ஆம் தேதி சாந்த அபிஷேகத்துடன் ஆடித் திருவிழா நிறைவு பெறுகிறது.
விழாவுக்கான ஏற்பாடுகளை ராமநாதபுரம் வடக்கு புதுத்தெரு விழாக்குழுவினர் செய்துள்ளனர்.