முக்குலத்தோர் புலிப்படை கட்சி நிர்வாகிகள் ஆலோசனைக் கூட்டம்

கமுதி பசும்பொன்னில் முக்குலத்தோர் புலிப்படை கட்சி நிர்வாகிகள் ஆலோசனைக் கூட்டம் ஞாயிற்றுக்கிழமை நடைபெற்றது.
 கூட்டத்துக்கு மாநில பொருளாளர் ஆர்.முத்துராமலிங்கம் தலைமை வகித்தார். மாநில அமைப்புச் செயலர் செல்வவிநாயகம் முன்னிலை வகித்தார். இதில், வரும் அக்டோபர் 30-இல் நடைபெறவுள்ள பசும்பொன் முத்துராமலிங்கத் தேவர் குருபூஜை விழாவுக்கான முன்னேற்பாடு பணிகள் குறித்து ஆலோசிக்கப்பட்டது.
 அதைத்தொடர்ந்து, புதிய நிர்வாகிகள் தேர்வு, புதிய உறுப்பினர் சேர்க்கை நடைபெற்றது. இக்கூட்டத்தில் மாநில மாணவரணி செயலர் வி.கே.முத்துராமலிங்கம், கிழக்கு மாவட்ட செயலர் மதியழகன், ஒன்றியத் தலைவர் பூமிநாதன் மற்றும் கட்சியினர் திரளாக கலந்து கொண்டனர். ஒன்றிய இளைஞரணித் தலைவர் ராஜீவ் காந்தி நன்றி கூறினார்.