ராமேசுவரத்தில் விபீஷணருக்கு பட்டாபிஷேகம்

ராமேசுவரம் ராமநாதசுவாமி கோயிலில் ராமலிங்க பிரதிஷ்டை விழாவையொட்டி, கோதண்டராமா் கோயிலில் விபீஷணருக்கு பட்டாபிஷேகம் செவ்வாய்க்கிழமை நடைபெற்றது.

ராமநாதபுரம் மாவட்டம், ராமேசுவரம் ராமநாதசுவாமி கோயில் உருவான ராமாயண கால நிகழ்வை எடுத்துக்காட்டும் வகையில், ஆண்டுதோறும் ராமலிங்க பிரதிஷ்டை திருவிழா மூன்று நாள்கள் நடைபெற்று வருகிறது.

இதன்படி, இந்த விழா ராமநாதசுவாமி கோயிலில் கடந்த திங்கள்கிழமை தொடங்கியது. அன்று திட்டகுடி சுவாமி எழுந்தருளியுள்ள துா்க்கை அம்மன் கோயில் அருகே ராவண சம்ஹார நிகழ்ச்சி நடைபெற்றது. இதைத்தொடா்ந்து, விபீஷணருக்கு பட்டாபிஷேகம் செவ்வாய்க்கிழமை நடைபெற்றது.

இதையொட்டி, ராமநாதசுவாமி கோயிலிலிருந்து சுவாமி, அம்பாள் தங்கக் கேடகத்திலும்,விபீஷணா் தேரிலும் எழுந்தருளி தனுஷ்கோடி சாலையில் அமைந்துள்ள கோதண்டராமா் கோயிலுக்கு புறப்பாடாகினா். பின்னா், அங்கு சுவாமி, அம்பாளுக்கு சிறப்பு பூஜை செய்யப்பட்டு தீபாராதனை நடைபெற்றது. இதையடுத்து, விபீஷணருக்கு பட்டாபிஷேகம் நடைபெற்றது. கோயில் நிா்வாகம் சாா்பில் அன்னதானம் வழங்கப்பட்டது.

இதற்கான ஏற்பாடுகளை கோயில் உதவி ஆணையா் ரவீந்திரன், செயல் அலுவலா் முத்துராஜா, ஆய்வா் சிவக்குமாா், பேஸ்காா்கள் கமலநாதன், ராமகிருஷ்ணன் உள்ளிட்டோா் செய்தனா்.