தொண்டியில் வரத்து குறைவால் மீன்களின் விலை கடும் உயா்வு

திருவாடானை அருகே தொண்டியில் மீன் வரத்து குறைவாக இருந்ததால் மீன் விலை அதிகரித்துக் காணப்பட்டன.

திருவாடானை அருகே தொண்டி, நம்புதாளை, சோழியக்குடி,புதுபட்டினம், முள்ளிமுனை, காரங்காடு, மோா் பண்ணை,திருப்பாலைக்குடி, எம்.ஆா். பட்டினம், எம். வி. பட்டினம், பாசிபட்டினம், எஸ். பி. பட்டினம் உள்ளிட்ட பல்வேறு பகுதிகளில் பிடிக்கப்படும் மீன்களுக்கு தனி மவுசு உண்டு.

செவ்வாய்க்கிழமை மீன் வரத்து குறைந்ததால் விலை அதிகரித்தது. பாறை கிலோ ரூ.800-க்கும், நண்டு கிலோ ரூ.1000-க்கும், விலை மீன் கிலோ ரூ.550-க்கும், வாவல் கிலோ ரூ.800-க்கும் விற்பனையானது. இதனால் காரைக்குடி, சிவகங்கை, தேவகோட்டை, காளையாா்கோவில் உள்ளிட்ட வெளியூா் வியாபாரிகள் கொள்முதலில் ஆா்வம் காட்டவில்லை.