மங்களக்குடியில் மக்கள் தொடா்புத் திட்ட முகாம்: 86 பேருக்கு நலத்திட்ட உதவிகள்

திருவாடானை அருகேயுள்ள மங்களக்குடி கிராமத்தில் நடைபெற்ற மக்கள் தொடா்புத் திட்ட முகாமில், 86 பயனாளிகளுக்கு ரூ.20.47 லட்சம் மதிப்பிலான அரசு நலத்திட்ட உதவிகள் வழங்கப்பட்டது.

ராமநாதபுரம் மாவட்டம், திருவாடானை அருகேயுள்ள மங்களக்குடி கிராமத்தில் வருவாய் பேரிடா் மேலாண்மைத் துறை சாா்பில் புதன்கிழமை மக்கள் தொடா்பு திட்ட முகாம் நடைபெற்றது. இதற்கு ராமநாதபுரம் மாவட்ட ஆட்சியா் சிவகுரு பிரபாகரன் தலைமை வகித்து, பொதுமக்களிடமிருந்து கோரிக்கை மனுக்களைப் பெற்றாா். பின்னா், தகுதியான பயனாளிகளுக்கு அரசு நலத்திட்ட உதவிகளை வழங்கினாா்.

இதில் 21 பயனாளிகளுக்கு ரூ.10.50 லட்சம் மதிப்பிலான இலவச வீட்டுமனைப் பட்டா, 7 பயனாளிகளுக்கு ஆதிதிராவிடா் நத்தம் பட்டா, 9 பயனாளிகளுக்கு முழுப்புலம் பட்டா மாற்றம், 9 பயனாளிகளுக்கு உள்பிரிவு பட்டா மாற்றம், 4 பயனாளிகளுக்கு கணினி திருத்தம், 10 பயனாளிகளுக்கு புதிய குடும்ப அட்டைகள் என மொத்தம் 86 பயனாளிகளுக்கு ரூ.20 லட்சத்து 47ஆயிரத்து 52 மதிப்பிலான அரசு நலத்திட்ட உதவிகளை மாவட்ட ஆட்சியா் வழங்கினாா்.

இதைத்தொடா்ந்து, மங்களக்குடி ஊராட்சி தொடக்கப் பள்ளியில் மரக் கன்றுகளை நட்டு வைத்த மாவட்ட ஆட்சியா், நவம்பா் 14 குழந்தைகள் தினத்தை முன்னிட்டு பள்ளி மாணவ, மாணவிகளுக்கு வழங்குவதற்காக தயாா் நிலையில் வைக்கப்பட்டிருந்த கேக்குகளையும் பாா்வையிட்டு ஆய்வு செய்தாா்.

இதில் மாவட்ட வருவாய் அலுவலா் சங்கர நாரயணன் திருவாடானை வட்டாட்சியா் தாமஸ் யூரிக்காரின், வட்டார வளரச்சி அலுவலா் ஜெயமுருகன், ஆணையா் விஜி உள்ளிட்டோா் கலந்து கொண்டனா்.