பைக் - சுற்றுலாப் பேருந்து மோதல்: மேலும் ஒரு மாணவா் உயிரிழப்பு

திருவாடானை அருகே சி.கே. மங்கலம் பகுதியில் நடைபெற்ற சாலை விபத்தில் காயமடைந்த இளைஞரும் வெள்ளிக்கிழமை நள்ளிரவு உயிரிழந்தாா்.

ராமநாதபுரம் மாவட்டம், ஆா்.எஸ். மங்கலம் அருகே எட்டியதிடல் கிராமத்தைச் சோ்ந்தவா் மாறன் மகன் ஜெஸ்வின் (19), சிவகங்கை மாவட்டம் இளையான்குடிபகுதியைச் சோ்ந்தவா் ராபா்ட் (19) ஆகிய இருவரும் பைக்கில் வெள்ளிக்கிழமை இரவு சி.கே. மங்கலம் பகுதியில் வந்தபோது, எதிரே வந்த தனியாா் சுற்றுலாப் பேருந்து மோதியதில் ஜெஸ்வின் சம்பவ இடத்திலேயே உயிரிழந்தாா்.

பலத்த காயமடைந்த ராபா்ட் ராமநாதபுரம் அரசு மருத்துவமனையில் வெள்ளிக்கிழமை இரவு உயிரிழந்தாா். இதுகுறித்து திருவாடானை போலீஸாா் வழக்குப் பதிந்து விசாரித்து வருகின்றனா்.