"கஜா' புயலால் பாதித்த குடிசைகளை சீரமைக்க தென்னங்கீற்றுகள் வழங்கல்

"கஜா' புயலால் பாதிப்புக்குள்ளான நாகை மாவட்டத்தில் குடிசை வீடுகளை சீரமைப்பதற்கு 40 ஆயிரம் தென்னங்கீற்றுகள் காரைக்குடியிலிருந்து கொண்டு சென்று ஞாயிற்றுக்கிழமை இரவு வழங்கப்பட்டுள்ளது.
   ஞாயிற்றுக்கிழமை இரவு பாதிக்கப்பட்டவர்களை நேரில் சந்தித்து தமிழக மக்கள் மன்றத்தின் சார்பில் வழங்கியதாக  மன்றத்தின் தலைவர் ச.மீ. ராசகுமார் தெரிவித்தார்.
  இது குறித்து திங்கள்கிழமை அவர் கூறியதாவது: "கஜா' புயல் பல்வேறு பாதிப்புகளை ஏற்படுத்தியிருக்கிறது. இதில் நாகை மாவட்டத்தில் தலைஞாயிறு பகுதியில் குடிசை வீடுகளை பலர் இழந்துள்ளனர். அதனால் தமிழக மக்கள் மன்றத்தின் சார்பில் ரூ. 2.50 லட்சம் செலவில் தென்னங்கீற்றுக்களை வழங்க காரைக்குடியிலிருந்து கொண்டு செல்லப்பட்ட  லாரிகளை வழக்குரைஞர் பிரகாசம் கொடியசைத்துத் தொடக்கி வைத்தார். 
 40 ஆயிரம் தென்னங்கீற்று கள் 6 லாரிகள் மூலம் கொண்டு சென்று பாதிக்கப்பட்ட மக்களை நேரில் சந்தித்து வழங்கி வந்துள்ளோம் என்றார். 
      மக்கள் மன்றச்செயலாளர் கரு.ஆறுமுகம்,பா.ம.க மாநில நிர்வாகி திருஞானம், தமிழக மக்கள் ஜனநாயக கட்சி நிர்வாகி சகுபர்சாதிக் மற்றும் தமிழக மக்கள் மன்ற நிர்வாகிகள் உறுப்பினர்கள் உடன் சென்றிருந்தனர்.