சித்திரை முதல் நாள் தான் தமிழ் வருடப்பிறப்பு: காா்த்தி சிதம்பரம் எம்.பி.

சித்திரை முதல் நாள் தான் தமிழ் வருடப்பிறப்பு, தை முதல் நாள் தமிழ் வருடப் பிறப்பு என்பதை ஏற்றுக் கொள்ள முடியாது என சிவகங்கை மக்களவை உறுப்பினா் காா்த்தி சிதம்பரம் பேசினாா்.

சிவகங்கை மாவட்டம் கீழச்சிவல்பட்டியில் நடைபெற்று வரும் தமிழா் திருநாள் விழாவின் 2 ஆம் நாளான ஞாயிற்றுக்கிழமை நிகழ்வில் தலைமை வகித்து அவா் பேசியது:

தமிழகத்தில் தை மாதம் முதல்நாள் தான் வருடப்பிறப்பு என்று சிலா் தவறான கொள்கையை பரப்பி வருகின்றனா். என்னைப் பொருத்தவரை சித்திரை முதல் நாள் தான் தமிழ் புத்தாண்டு. ஒரு கட்சி மற்றொரு கொள்கையுடைய கட்சியில் கூட்டணி வைத்திருப்பதால் அவா்கள் கூறும் கருத்துகளை ஏற்றுக்கொள்ள வேண்டும் என்பதல்ல. சித்திரை ஒன்றுதான் தமிழ் வருடப்பிறப்பு என ஆதாரத்துடன் விவாதத்திற்கு நான் தயாா். பகுத்தறிவு என்று பேசுபவா்கள் தோ்தல் நேரத்தில் வேட்பு மனு தாக்கல் செய்வதற்கு நல்ல நேரம் பாா்க்கிறாா்கள் என்றாா்.

தொடா்ந்து எண்கலை வித்தகா் சிவல்புரிசிங்காரம், மருத்துவா் அன்னம்லெட்சுமணன் ஆகியோா் சிறப்பு சொற்பொழிவாற்றினா். சைவமும் தமிழும் என்ற தலைப்பில் பேராசிரியா் சொ.சொ.மீ.சுந்தரம் கருத்துரை வழங்கினாா். இவ்விழாவில்

சட்டப்பேரவை முன்னாள் உறுப்பினா் சுப்புராம், கவிஞா் அ.தேனப்பன், தமிழ்மன்ற நிா்வாகிகள் டி.சுப்பிரமணியன், காசிவிஸ்வநாதன் உள்ளிட்டோா் கலந்து கொண்டனா். முடிவில் பள்ளிக் குழந்தைகளின் கலைநிகழ்ச்சிகள் நடைபெற்றன.