சிவகங்கையில் வரும் ஏப்.25-இல் மாற்றுத்திறனாளிகளுக்கான முகாம்

 சிவகங்கையில் வரும் ஏப்ரல் 25-இல் மாற்றுத்திறனாளிகளுக்கான முகாம் நடைபெற உள்ளதாக மாவட்ட ஆட்சியா் பி. மதுசூதன் ரெட்டி தெரிவித்துள்ளாா்.

இதுகுறித்து அவா் வெளியிட்டுள்ள செய்திக் குறிப்பு : சிவகங்கையில் உள்ள வருவாய் கோட்டாட்சியா் அலுவலகத்தில் மாற்றுத்திறனாளிகள் பயன்பெறும் வகையில் வரும் ஏப்ரல் 25-இல் சிறப்பு முகாம் நடைபெற உள்ளது. இம்முகாமில் சிவகங்கை வருவாய் கோட்டத்தைச் சோ்ந்த மாற்றுத் திறனாளிகள் கலந்து கொண்டு உதவித் தொகை, உபகரணங்கள் கோரி விண்ணப்பிக்கலாம் என அதில் தெரிவிக்கப்பட்டுள்ளது.