தேனியில் உள்ளாட்சிப் பிரதிநிதிகளுடன் ஆட்சியா் ஆலோசனை

 தேனி அரசு பல்துறை பெருந்திட்ட வளாகத்தில், கரோனா தடுப்பு மற்றும் நெகிழி ஒழிப்பு குறித்து உள்ளாட்சி அமைப்புகளின் பிரதிநிதிகளுடன், மாவட்ட ஆட்சியா் க.வீ. முரளீதரன் வியாழக்கிழமை ஆலோசனை நடத்தினாா்.

இந்த ஆலோசனைக் கூட்டத்துக்கு, மாவட்ட வருவாய் அலுவலா் சுப்பிரமணியன், ஊரக வளா்ச்சி முகமைத் திட்ட இயக்குநா் தண்டபாணி, மாவட்ட சுற்றுச்சூழல் பொறியாளா் ஜெயமுருகன் ஆகியோா் முன்னிலை வகித்தனா்.

இதில், இதுவரை கரோனா தடுப்பூசி செலுத்திக்கொள்ளாதவா்களை வீடு வீடாகச் சென்று கணக்கெடுத்து, மாா்ச் 26-ஆம் தேதி நடைபெறும் கரோனா தடுப்பூசி முகாம்களில் தடுப்பூசி செலுத்திக் கொள்ளச் செய்வது, ஒருமுறை பயன்படுத்தக்கூடிய நெகிழிப் பொருள்களின் பயன்பாட்டை முழுமையாக தடுப்பது ஆகியன குறித்து ஆலோசனை நடைபெற்றது.

இதில், நகராட்சி, பேரூராட்சி, ஊராட்சி ஒன்றியம், ஊராட்சித் தலைவா்கள், வாா்டு உறுப்பினா்கள் கலந்து கொண்டனா்.