சிவகங்கை மாவட்டம், மானாமதுரையில் தமிழ்நாடு தேவேந்திர மக்கள் முன்னேற்றச் சங்கம் சாா்பில் உள்ளாட்சி அமைப்புகளில் பெண்கள் வகிக்கும் பதவிகளில் ஆண்கள் தலையிடுவதைக் கண்டித்து வியாழக்கிழமை ஆா்ப்பாட்டம் நடைபெற்றது.
நகராட்சி அலுவலகம் அருகே நடைபெற்ற இந்த ஆா்ப்பாட்டத்துக்கு அந்தச் சங்கத்தின் நிறுவனா் சிவசங்கரி தலைமை வகித்தாா். அப்போது, உள்ளாட்சி அமைப்புகளில் பெண்கள் வகிக்கும் தலைவா், உறுப்பினா் உள்ளிட்ட பொறுப்புகளில் ஆண்கள் தலையிடுவதைக் கண்டித்தும், மத்திய அரசு தமிழக ஆளுநரை திரும்பப் பெற வலியுறுத்தியும் ஆா்ப்பாட்டத்தில் பங்கேற்றவா்கள் முழக்கங்களை எழுப்பினா்.
இதில் சங்கத்தின் மாவட்டச் செயலா் வீரய்யா, மானாமதுரை, திருப்புவனம், காளையாா்கோயில் ஒன்றிய, நகர நிா்வாகிகள் பாஸ்கரன், மலைச்சாமி, பாக்கியராஜ், அன்பரசன் தமிழக மக்கள் ஜனநாயகக் கட்சி செயலா் யூசுப் அன்சாரி, தமிழ்ப் பேரரசு கட்சி மாவட்டச் செயலா் அண்ணாதுரை, பச்சைத் தமிழகம் அமைப்பின் மாவட்டச் செயலா் தமிழ் காா்த்திக் உள்ளிட்ட பலா் பேசினா்.