திருப்பாச்சேத்தி சுங்கச்சாவடியில் கட்டண உயா்வு அமல்

மானாமதுரை: சிவகங்கை மாவட்டம், திருப்பாச்சேத்தி சுங்கச்சாவடியில் கட்டண உயா்வு திங்கள்கிழமை அமல்படுத்தப்பட்டது.

மதுரை- ராமேசுவரம் தேசிய நெடுஞ்சாலையில் சிவகங்கை மாவட்டம், திருப்பாச்சேத்தியில் சுங்கச்சாவடி அமைக்கப்பட்டுள்ளது. நாடு முழுவதும் சுங்கக் கட்டணம் உயா்த்தப்படுவதாக அறிவிக்கப்பட்டது.

இதையடுத்து, திருப்பாச்சேத்தி சுங்கச்சாவடியிலும் கட்டண உயா்வு அமல்படுத்தப்பட்டது. இந்த சுங்கச்சாவடியை கடந்து செல்லும் வாகனக் கட்டணம் ரூ.5 முதல் ரூ.35 வரை உயா்த்தி வசூலிக்கப்பட்டது.