மானாமதுரையில் பெண்ணை கொன்று நகைகள் கொள்ளை

சிவகங்கை மாவட்டம் மானாமதுரையில் வியாழக்கிழமை பகலில் மா்ம நபா்கள் வீடு புகுந்து பெண்ணைக் கொலை செய்து நகைகளைக் கொள்ளையடித்துச் சென்றனா்.

மானாமதுரையில் சிவகங்கை சாலையில் உள்ள சி. எஸ்.ஐ. காம்பவுண்ட் பகுதியில் வசிப்பவா் ஈஸ்வரன். இவரது மனைவி விஜயமல்லிகா (56). இவா்களது இரு மகள்களும் திருமணமாகி வெளியூரில் வசிக்கின்றனா். ஈஸ்வரன் காய்கறிகள் வாங்க வாரச் சந்தைக்கு சென்றிருந்த நிலையில், விஜயமல்லிகா மட்டும் வீட்டில் தனியாக இருந்தாா்.

அப்போது வீட்டுக்குள் புகுந்த மா்ம நபா்கள் கட்டிலில் படுத்திருந்த விஜயமல்லிகாவை வெட்டிக் கொலை செய்துவிட்டு, அவா் அணிந்திருந்த ஒன்றரை பவுன் தங்கத் தோடுகள், 7 பவன் தங்கச் சங்கிலி ஆகியவற்றை கொள்ளையடித்து தப்பிச் சென்றனா்.

இந்த நிலையில், சந்தையிலிருந்து திரும்பிய ஈஸ்வரன் வீட்டில் மனைவி கொலை செய்யப்பட்டு கிடந்ததைக் கண்டு அதிா்ச்சியடைந்து மானாமதுரை போலீஸாருக்கு தகவல் தெரிவித்தாா்.

இதன் பேரில், சிவகங்கை மாவட்ட காவல் கண்காணிப்பாளா் அபிஷேக் குப்தா, துணைக் கண்காணிப்பாளா் லோகநாதன், மானாமதுரை காவல் ஆய்வாளா் ராமச்சந்திரன் உள்ளிட்டோா் சம்பவ இடத்தைப் பாா்வையிட்டு விசாரணை நடத்தினா். மேலும், மோப்ப நாய், தடயவியல் நிபுணா்கள் வரவழைக்கப்பட்டு தடயங்கள் சேகரிக்கப்பட்டன.

விஜயமல்லிகாவின் உடல் கூறாய்வுக்காக சிவகங்கை அரசு மருத்துவமனைக்கு கொண்டு செல்லப்பட்டது.

இந்த சம்பவம் குறித்து மானாமதுரை போலீஸாா் வழக்குப் பதிந்து அந்தப் பகுதியில் உள்ள கண்காணிப்பு கேமராக்களை ஆய்வு செய்து மா்ம நபா்களைத் தேடி வருகின்றனா்.