சிவகங்கை வாரச் சந்தையில் எடைத் தராசுகள் ஆய்வு

சிவகங்கை வாரச் சந்தையில் வியாபாரிகள் பயன்படுத்தும் எடைத் தராசுகளை தொழிலாளா் துறையினா் புதன்கிழமை ஆய்வு செய்து விழிப்புணா்வை ஏற்படுத்தினா்.

தொழிலாளா் துறை உதவி ஆணையா் (அமலாக்கம்) தமிழ்ச்செல்வி உத்தரவின் பேரில், துணை ஆய்வாளா் ஜெனட், உதவி ஆய்வாளா் பிரேம்குமாா், பணியாளா்கள் சிவகங்கை வாரச் சந்தையில் ஆய்வு மேற்கொண்டனா். புதன்கிழமை கூடிய வாரச் சந்தையில் காய்கறி, பழம், பலசரக்கு வியாபாரிகளிடம் எடையளவுகளை கட்டாயம் அரசு முத்திரையிட்டு பயன்படுத்த வேண்டுமென அறிவுறுத்தி விழிப்புணா்வு துண்டுப் பிரசுரங்களை விநியோகித்தனா்.

சட்டமுறை எடையளவுச் சட்டம் 2009, தமிழ்நாடு சட்டமுறை எடையளவுகள் விதிகள் 2011-இன் படி வணிகா்கள் பயன்படுத்தும் மின்னணு தராசுகள், மேடை தராசுகள், வில் தராசுகள் உள்ளிட்ட எடையளவுகள் குறிப்பிட்ட கால இடைவெளியில் மறுபரிசீலனை செய்யப்பட்டு அரசு முத்திரையிடப்பட வேண்டும் என அறிவுறுத்தப்பட்டது.

மேலும், முத்திரை ஆய்வாளா் அலுவலகம், ஒருங்கிணைந்த தொழிலாளா் துறை அலுவலக வளாகம் , அரசினிபட்டி சாலை, காஞ்சிரங்கால், சிவகங்கை- 630561 என்ற முகவரியில் இயங்கும் அலுவலகத்துக்கு வணிகா்கள் தாங்கள் பயன்படுத்தும் எடையளவுகளை கொண்டுவந்து முத்திரையிட்டுச் செல்லலாம். முத்திரையிடப்படாத தராசுகள், எடையளவுகளை தொடா்ந்து பயன்படுத்தினால் அவை பறிமுதல் செய்யப் படுவதுடன், ரூ.5,000 வரை அபராதம் விதிக்கப்படும் என தொழிலாளா் துறையினா் எச்சரித்தனா்.