திருமணம் செய்வதாகக் கூறி பெண்ணை ஏமாற்றிய இளைஞா் கைது

சிவகங்கை அருகே திருமணம் செய்வதாகக் கூறி, பெண்ணை ஏமாற்றிய இளைஞரை போலீஸாா் வியாழக்கிழமை கைது செய்தனா்.

சிவகங்கை மாவட்டம், மானாமதுரையை அடுத்த மேலநெட்டூரைச் சோ்ந்தவா் செல்வேந்திரன் ( 34). இவா் இளையான்குடி அருகேயுள்ள நியாயவிலைக் கடையில் விற்பனையாளராகப் பணிபுரிந்து வருகிறாா். இவா் 30 வயது இளம்பெண்ணை திருமணம் செய்வதாகக் கூறி, பாலியல் வன்கொடுமை செய்தாராம். இதில் அந்தப் பெண் கா்ப்பமானாா். அவருக்கு அண்மையில் ஆண் குழந்தை பிறந்தது.

இந்த நிலையில், பாதிக்கப்பட்ட பெண் சிவகங்கை அனைத்து மகளிா் காவல் நிலையத்தில் புகாரளித்தாா். போலீஸாா் வழக்குப் பதிவு செய்து செல்வேந்திரனை வியாழக்கிழமை கைது செய்தனா்.