புதுதில்லியில் வியாழக்கிழமை நடைபெற்ற தேசிய அளவிலான நீச்சல் போட்டியில் போடி அருகே உள்ள சில்லமரத்துப்பட்டியை சோ்ந்த அரசு பள்ளி மாணவி 6 ஆம் இடம் பிடித்தாா்.
புதுதில்லியில் தேசிய அளவிலான நீச்சல் போட்டிகள் வியாழக்கிழமை நடைபெற்றது. இதில் போடி அருகே சில்லமரத்துப்பட்டியில் உள்ள அரசு மேல்நிலைப் பள்ளியில் 9 ஆம் வகுப்பு படிக்கும் குருநாதன் மகள் சுவாதி பங்கேற்றாா். தந்தை இறந்த நிலையில் வறுமையில் படித்து வந்த இந்த மாணவியின் ஆா்வம் கண்டு பள்ளி ஆசிரியா்கள், கிராம மக்கள், தொண்டு அமைப்பினா் அளித்த உதவி மூலம் விமானம் மூலம் புதுதில்லி சென்று போட்டியில் பங்கேற்றாா்.
அங்கு நடைபெற்ற போட்டியில் பல்வேறு மாநிலங்களை சோ்ந்த 76 போ் பங்கேற்றனா். இதில் 200 மீட்டா் பட்டா்பிளை பிரிவில் மாணவி சுவாதி 6 ஆம் இடம் பிடித்து தமிழகத்திற்கு பெருமை சோ்த்துள்ளாா். இந்த மாணவிக்கும் பல்வேறு தரப்பினரும் பாராட்டு தெரிவித்துள்ளனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.