கம்பம்: மாநில அளவிலான ஸ்கேட்டிங் போட்டியில் கம்பம் ஆர்.ஆர். இன்டர்நேஷனல் பள்ளி மாணவ மாணவியர் ஒட்டுமொத்த சாம்பியன்ஷிப் பட்டத்தை வென்றனர்.
மாநில அளவிலான விரைவு ஸ்கேட்டிங் சாம்பியன் ஷிப் போட்டியை திருச்சி மாவட்ட ஸ்கேட்டிங் கோ கோ விளையாட்டு கழகம் நடத்தியது. இதில் பல மாவட்டங்களில் இருந்து மாணவ மாணவியர் கலந்து கொண்டனர்.
கம்பத்தில் உள்ள ஆர்.ஆர். இன்டர்நேஷனல் சி.பி.எஸ்.இ. பள்ளி மாணவ, மாணவியர்கள் கலந்து கொண்டனர்.
பள்ளிகளுக்கிடையே அனைத்து பிரிவுகளிலும் வெற்றி பெற்று ஒட்டுமொத்த சாம்பியன் ஷிப் பட்டத்தை 6 வயது பிரிவில் எஸ்.யஷ்வந்த், 8 வயதுக்கு மேற்பட்டோர் பிரிவில் இ.ஜெகதீஸ்வரன், எஸ்.தக்சா ஆகியோர் முதலிடத்தையும், எஸ்.ஷிவானியா இரண்டாம் பரிசையும், வி.லோகஜித் மூன்றாவது பரிசையும், நான்காவது பரிசை கே.சஞ்சித் ஆகியோரும் வெற்றி பெற்றனர்.
பள்ளி தலைவர் ஆர்.ராஜாங்கம் மற்றும் நிர்வாகிகள் ரா.அசோக்குமார், ரா.ஜெகதீஸ் ஆகியோர் வெற்றி பெற்ற மாணவ மாணவியர்களை பாராட்டி கேடயம் மற்றும் சான்றிதழ்களை வழங்கினர்.