பள்ளியில் நிலத்தடி நீா் விழிப்புணா்வு முகாம்
By DIN | Published On : 31st July 2022 10:48 PM | Last Updated : 31st July 2022 10:48 PM | அ+அ அ- |
ராஜபாளையம் அன்னப்பராஜா மேல்நிலைப் பள்ளியில் நடைபெற்ற முகாமில் கலந்து கொண்ட மாணவா்களுக்கு மரக்கன்று வழங்கிய பள்ளி தலைமையாசிரியா் ரமேஷ்.
ராஜபாளையம் அன்னப்பராஜா மேல்நிலைப்பள்ளியில் நிலத்தடி நீா் விழிப்புணா்வு முகாம் ஞாயிற்றுக்கிழமை நடைபெற்றது.
பள்ளிச் செயலா் என்.ஆா்.கிருஷ்ணமூா்த்தி தலைமை வகித்தாா். இதில், பரமக்குடி நிலநீா் உப கோட்டத்தின் பொறியாளா் எம்.சந்திரன் பேசியதாவது: இயற்கையைச் சரியான முறையில் பாதுகாத்தால்தான் நாம் நோயின்றி நலத்துடன் வாழமுடியும். நாம் ஒரு மடங்கு செய்தால் இயற்கை நமக்கு மூன்று மடங்குகள் பலனைத் தரும் என்றாா்.
முன்னதாக, பள்ளி தலைமையாசிரியா் ஏ.ரமேஷ் வரவேற்றாா். முகாமில், ராம்கோ சிமெண்ட்ஸ்சின் தோட்டக்கலைப் பிரிவு பொறியாளா் ஈஸ்வரன், ராம்கோ டெக்ஸ்டைல் மண்டல மக்கள் தொடா்பு அலுவலா் சுரேஷ்குமாா், துளி அமைப்பின் தலைவா் ராம்குமாா், விஷ்ணு ஆகியோா் வாழ்த்தினா்.
முகாமில், நிலத்தடி நீா் மேலாண்மை குறித்த விழிப்புணா்வு காணொளிக் காட்சிகள் காண்பிக்கப்பட்டன. அதில், பள்ளியின் சமூக அறிவியல் மன்றத்தின் 60-க்கும் மேற்பட்ட மாணவ மாணவியா் கலந்துகொண்டனா். மேலும், பள்ளி வளாகத்தில் மரக்கன்றுகள் நடப்பட்டு முகாமில் கலந்துகொண்ட அனைவருக்கும் மரக்கன்றுகள் வழங்கப்பட்டன. முடிவில் விருதுநகா் நீா்வளத்துறை நிலநீா்ப்பிரிவு அலுவலா் சந்திரமோகன் நன்றி கூறினாா்.
