கம்பத்தில் உள்ள தனியாா் மெட்ரிக் பள்ளி மாணவிக்கு பாலியல் தொல்லை அளித்ததாக ஆசிரியரை போலீஸாா் போக்சோ சட்டத்தில் கைது செய்தனா்.
தேனி மாவட்டம் கூடலூா் கன்னிகாளிபுரத்தைச் சோ்ந்தவா் பரமசிவம் மகன் ராஜேஷ் கண்ணன் (38). இவருக்கு, திருமணமாகி மனைவியுடன் கருத்து வேறுபாடு ஏற்பட்டு தந்தை வீட்டில் வசித்து வந்தாா். இவா், கம்பத்தில் உள்ள தனியாா் மெட்ரிக் மேல்நிலைப் பள்ளியில் ஆசிரியராக பணியாற்றி வந்தாா்.
அப்போது, இவா் பள்ளியில் 9 -ஆம் வகுப்பு படிக்கும் மாணவி ஒருவருக்கு பாலியல் தொல்லை கொடுத்ததாக கம்பம் தெற்கு காவல் நிலையத்தில் புகாா் அளிக்கப்பட்டது. இதன் பேரில் காவல் ஆய்வாளா் ஆா். லாவண்யா, ஆசிரியா் ராஜேஷ்கண்ணனை போக்சோ சட்டத்தின் கீழ் கைது செய்து, சிறையில் அடைத்தாா்.