பாஜக வாக்குச்சாவடி பொறுப்பாளா் கூட்டம்

தேனி மாவட்டம், உத்தமபாளையத்தில் செவ்வாய்க்கிழமை பாரதிய ஜனதா கட்சியின் வாக்குச்சாவடி பொறுப்பாளா்கள் ஆலோசனைக் கூட்டம் நடைபெற்றது.

இந்தக் கூட்டத்துக்கு நகரத் தலைவா் தெய்வம் தலைமை வகித்தாா். சக்தி கேந்திரா பொறுப்பாளா் முத்துக்கண்ணன் முன்னிலை வகித்தாா். இதில் நடைபெறவுள்ள மக்களவைத் தோ்தலில் அதிகளவில் வாக்குகள் பெறுவது, மத்திய அரசின் கடந்த 9 ஆண்டுகள் ஆட்சியை மக்களிடம் கொண்டு செல்வது குறித்து ஆலோசனை நடைபெற்றது.

186 -ஆவது வாக்குச்சாவடி கிளைத் தலைவா் கலைச்செல்வம் வரவேற்றாா். உத்தமபாளையத்தைச் சோ்ந்த பாஜகவினா் பலரும் கலந்து கொண்டனா்.