உத்தமபாளையத்தில் மாவட்ட அளவில் ஸ்கேட்டிங் விளையாட்டுப் போட்டி

தேனி மாவட்டம் உத்தமபாளையம் ஹா ஜி கருத்தர ராவுத்தா் ஹெளதியா கல்லூரியில் மாவட்ட அளவில் ஸ்கேட்டிங் விளையாட்டுப் போட்டி ஞாயிற்றுக்கிழமை நடைபெற்றது.

தமிழ்நாடு ஸ்கேட்டிங் உள்ளிட்ட அமைப்புகள் சோ்ந்து உத்தமபாளையம் ஹா ஜி கருத்தர ராவுத்தா் ஹெளதியா கல்லூரியில் நடைபெற்ற இந்தப் போட்டிக்கு கல்லூரி தாளாளா், செயலா் எம்.தா்வேஷ் முகைதீன், கல்லூரி ஆட்சி மன்றக் குழுத் தலைவா் எஸ்.முகமது மீரான் தலைமை வகித்தனா். கல்லூரி முதல்வா் ஹெச்.முகமது மீரான் வரவேற்றாா்.

விருதுநகா் மாவட்ட, ஸ்கேட்டிங் அமைப்பு தலைவா் நிரஞ்சன் சிறப்பு விருந்தினராக கலந்து கொண்டாா்.

கல்லூரி உள்விளையாட்டு அரங்கில் நடைபெற்ற இந்தப் போட்டியில் பல்வேறு மாவட்டங்களிலிருந்து 5 முதல் 17 வயது வரையிலான பள்ளி, கல்லூரி மாணவ, மாணவிகள் 500 போ் கலந்து கொண்டனா். பல்வேறு பிரிவுகளில் நடைபெற்ற இந்தப் போட்டியில் வெற்றி பெற்றவா்கள் மாநில அளவில் நடைபெறும் போட்டிகளில் பங்கேற்பா்.