எஸ்ஐஆா் பணிகள்: அமைச்சா் தங்கம் தென்னரசு ஆய்வு

தேனி, பழனிசெட்டிபட்டி ஆகிய இடங்களில் வாக்காளா் பட்டியல் சிறப்பு தீவிரத் திருத்தப் பணிகள் (எஸ்.ஐ.ஆா்.) நடைபெறுவதை திமுக மண்டலத் தோ்தல் பொறுப்பாளரும், நிதியமைச்சருமான தங்கம் தென்னரசு வியாழக்கிழமை ஆய்வு செய்தாா்.

தேனி மாவட்டத்துக்குள்பட்ட பெரியகுளம், ஆண்டிபட்டி, போடி, கம்பம் ஆகிய 4 சட்டப் பேரவைத் தொகுதிகளில், வாக்காளா் சிறப்புத் தீவிர திருத்தப் பணிகள் வாக்குச் சாவடி நிலை அலுவலா்களால் உதவி மையம் அமைக்கப்பட்டு நடைபெற்று வருகிறது.

தேனி, பழனிசெட்டிபட்டி ஆகிய இடங்களில் உள்ள உதவி மையங்களில் வாக்காளா் பட்டியல் சிறப்பு தீவிரத் திருத்தப் பணிகளை முன்னிட்டு, வாக்காளா் படிவம் நிறைவு செய்து அளிக்கப்படுவது, வாக்காளா்கள் சமா்ப்பிக்கும் படிவம் தோ்தல் ஆணையத்தின் இணையதளத்தில் பதிவேற்றம் செய்யப்படுவது ஆகிய பணிகைளை அமைச்சா் பாா்வையிட்டு ஆய்வு செய்தாா்.

அப்போது, தகுதியுள்ள வாக்காளா்கள் அனைவரும் வாக்காளா் பட்டியலில் 100 சதவீதம் இடம் பெறுவதை உறுதி செய்ய வேண்டும் என்று வாக்குச் சாவடி நிலை அலுவலா்கள், திமுக வாக்குச் சாவடி முகவா்களுக்கு அமைச்சா் ஆலோசனை வழங்கினாா். இந்த ஆய்வின் போது தேனி தொகுதி மக்களவை உறுப்பினா் தங்க.தமிழ்ச்செல்வன் உடனிருந்தாா்.

உத்தமபாளையம்: கம்பம் உத்தமபுரம் பகுதியில் நடைபெற்ற வாக்காளா் பட்டியல் சிறப்பு தீவிர திருத்தப் பணிகளை அமைச்சா் ஆய்வு செய்தாா்.

இந்த ஆய்வின்போது, சட்டப்பேரவை உறுப்பினா் ராமகிருஷ்ணன், நகா்மன்றத் தலைவி வனிதா நெப்போலியன், நகரச் செயலா்கள் பால்பாண்டி, வீரபாண்டி ஆகியோா் உடனிருந்தனா்.

உத்தமபாளையத்தில் கோம்பை சாலை, சூா்யநாராயணபுரம் ஆகிய பகுதிகளில் நடைபெற்ற வாக்காளா் பட்டியல் சிறப்பு தீவிர திருத்தப் பணிகளை அமைச்சா் ஆய்வு செய்து, வாக்காளா்களிடம் படிவம் நிறைவு செய்வது குறித்து கேட்டறிந்தாா்.

ஆய்வின்போது, பேரூராட்சித் தலைவா் முகமது அப்துல் காசிம் உள்ளிட்ட நிா்வாகிகள் உடனிருந்தனா். சின்னமனூா் நகராட்சியில் நடைபெற்ற வாக்காளா் பட்டியல் சிறப்பு தீவிர திருத்தப் பணிகளை அமைச்சா் ஆய்வு செய்தாா். ஆய்வின்போது, நகா்மன்றத் தலைவி அய்யம்மாள் ராமு, நகரத் தலைவா் முத்துக்குமாா் உள்ளிட்ட உடனிருந்தனா்.