போதைப் பொருள்கள் வைத்திருந்த இருவா் கைது

ஆண்டிபட்டி அருகே தடை செய்யப்பட்ட கஞ்சா, போதை மாத்திரைகள் வைத்திருந்ததாக இருவரை போலீஸாா் திங்கள்கிழமை கைது செய்தனா்.

தேனி மாவட்டம், டி.சுப்புலாபுரம் பகுதியில் ஆண்டிபட்டி காவல் நிலைய போலீஸாா் திங்கள்கிழமை ரோந்துப் பணியில் ஈடுபட்டனா். அப்போது, அந்தப் பகுதியில் உள்ள அரசுப் பள்ளி அருகே சந்தேகத்துக்குரிய வகையில் நின்றிருந்த இரண்டு இளைஞா்களை போலீஸாா் பிடித்து சோதனையிட்டனா். அவா்கள் தடை செய்யப்பட்ட கஞ்சா, புகையிலைப் பொருள்கள், போதை மாத்திரைகள் வைத்திருந்தது தெரியவந்தது.

விசாரணையில், அவா்கள் டி.சுப்புலாபுரத்தைச் சோ்ந்த பாலமுருகன் மகன் ராம்குமாா் (25), டி.புதூரைச் சோ்ந்த உலகராஜா மகன் ரித்திக் (23) என்பது தெரியவந்தது. இருவரையும் போலீஸாா் கைது செய்து, அவா்களிடமிருந்த போதைப் பொருள்களை பறிமுதல் செய்தனா்.