மின் கம்பத்தில் பைக் மோதியதில் தொழிலாளி உயிரிழப்பு

உத்தமபாளையத்தில் மின் கம்பத்தில் இரு சக்கர வாகனம் மோதியதில் பலத்த காயமடைந்த கூலித் தொழிலாளி செவ்வாய்க்கிழமை உயிரிழந்தாா்.

தேனி மாவட்டம், கூடலூா் அருகேயுள்ள ஆங்கூா்பாளையத்தைச் சோ்ந்த பழவேந்திரன் மகன் குமாா் (46). கூலித் தொழிலாளி.

இவா், கடந்த வெள்ளிக்கிழமை உத்தமபாளையம் தனியாா் கல்லூரி அருகே இரு சக்கர வாகனத்தில் சென்ற போது நாய் குறுக்கே வந்ததால் நிலை தடுமாறி சாலையோர மின் கம்பத்தில் மோதினாா். இதில் பலத்த காயமடைந்த குமாா் தேனி அரசு மருத்துவக் கல்லூரி மருத்துவமனையில் சிகிச்சை பெற்று வந்தாா். அங்கு அவா் செவ்வாய்க்கிழமை உயிரிழந்தாா். இதுகுறித்து உத்தமபாளையம் போலீஸாா் வழக்குப் பதிந்து விசாரிக்கின்றனா்.