சிவகாசி அருகே கல்குவாரியில் மண்டை ஓடு கண்டெடுப்பு

சிவகாசி அருகே செல்லையா நாயக்கன் பட்டி கல்குவாரியில் கிடந்த மண்டை ஓட்டினை போலீஸார் புதன்கிழமை  கைப்பற்றி விசாரணை நடத்தி வருகின்றனர்.
  செல்லையா நாயக்கன்பட்டியில் உள்ள கல்குவாரியில் மண்டை ஓடு கிடப்பதாக, அக்கிரம மக்கள் போலீஸாருக்கு தகவல் கொடுத்தனர். போலீஸார் அந்த மண்டை ஓட்டினைக் கைப்பற்றி சிவகாசி அரசு மருத்துவமனைக்கு அனுப்பி வைத்தனர். 
    பின்னர் தடயவியல் துறைக்கு மண்டை ஓடு அனுப்பி வைக்கப்படும் என போலீஸார் தெவித்தனர்.   
  இது குறித்து வி.சொக்கலிங்காபுரம் கிராம நிர்வாக அலுவலர் மகேஸ்வரி அளித்த புகாரின் பேரில் சிவகாசி கிழக்கு போலீஸார் வழக்குப் பதிவு செய்து விசாரணை நடத்தி வருகிறார்கள்.