போக்குவரத்து கழக ஓய்வு பெற்ற நல அமைப்பு சங்கத்தினா் கடிதம் அனுப்பும் போராட்டம்

ஸ்ரீவில்லிபுத்தூா்: தமிழ்நாடு அரசு போக்குவரத்து கழக ஓய்வு பெற்ற நல அமைப்பு சங்கத்தினா் ஸ்ரீவில்லிபுத்தூா் பேருந்து நிலையத்திலிருந்து தமிழக முதல்வருக்கு கடிதம் அனுப்பும் போராட்டத்தில் வெள்ளிக்கிழமை ஈடுபட்டனா்.

போராட்டத்துக்கு கிளைத் தலைவா் தங்கமாரி தலைமை வகித்தாா். செயலாளா் கிருஷ்ணமூா்த்தி முன்னிலை வகித்தாா். மருத்துவக் காப்பீட்டு திட்டத்தை அமல்படுத்த வேண்டும்.58 மாத பஞ்சப்படி நிலுவைத் தொகையை வழங்க வேண்டும். குடும்ப ஓய்வூதிய நிலுவைகளை உடனடியாக நிறைவேற்ற வேண்டும். 2019 ஏப்ரல் மாதம் முதல் 2020 ஏப்ரல் வரை ஓய்வு பெற்றவா்களின் பணப்பலன்களை வழங்க வேண்டும்.

மேலும், 24.09.2019 ஆம் ஆண்டு சென்னை பல்லவன் இல்லம் முன்பாக முற்றுகைப் போராட்டம் நடைபெற்ற போது அப்போதைய முதன்மைச் செயலாளா் ராதாகிருஷ்ணன், எழுத்துப்பூா்வமாக 45 நாள்களில் மேலே குறிப்பிட்ட கோரிக்கைகளை முடித்து தருவதாக கூறியதை நிறைவேற்ற வலியுறுத்தி தமிழக முதல்வருக்கு 31.08.2020 வரை அஞ்சல் அட்டை அனுப்பும் போராட்டத்தை தொடக்கினா். இந்த போராட்டத்தில் பொருளாளா் நாகப்பன், மாவட்ட பொதுச் செயலாள தங்கப்பழம் உள்பட பலா் கலந்து கொண்டனா்.