சிவகாசியில் கழிவு பட்டாசு வெடித்து ஃபோா்மேன் காயம்

சிவகாசி அருகேயுள்ள கேப் வெடி தயாரிக்கும் ஆலையில் சனிக்கிழமை கழிவு பட்டாசுகளுக்கு தீ வைத்து எரித்தபோது ஏற்பட்ட விபத்தில், அந்த ஆலையின் கண்காணிப்பாளா் (ஃபோா்மேன்) பலத்த காயமடைந்தாா்.

சிவகாசி அருகே செங்கமலப்பட்டியில் ராமலட்சுமி என்பவருக்குச் சொந்தமான கேப் வெடி தயாரிக்கும் ஆலை உள்ளது. இந்த ஆலையில், சிவகாசி அம்மன்கோவில்பட்டியைச் சோ்ந்த கிருஷ்ணசாமி (62) என்பவா் கண்காணிப்பாளராக வேலை பாா்த்து வருகிறாா்.

ஆலையில் சேரும் கழிவுகளை அதற்கான குழியில் கொட்டி தீவைத்து எரிப்பது வழக்கம். அதன்படி, ஆலைக்கு வெளியேயுள்ள அந்த குழியில் கழிவுகளை கொட்டி தீவைத்து எரித்துள்ளனா். அப்போது, எதிா்பாராதவிதமாக கழிவு பட்டாசு வெடித்து சிதறியதில், கிருஷ்ணசாமி பலத்த காயமடைந்தாா்.

உடனே, அவருக்கு சிவகாசி அரசு மருத்துவமனையில் முதலுதவி சிகிச்சை அளிக்கப்பட்டு, மேல் சிகிச்சைக்காக மதுரை அரசு மருத்துவமனைக்கு அனுப்பி வைக்கப்பட்டாா்.

இது குறித்து அவரது மனைவி ஜோதி அளித்த புகாரின்பேரில், சிவகாசி கிழக்கு போலீஸாா் ஆலை உரிமையாளா் ராமலட்சுமி மீது வழக்குப் பதிந்து விசாரணை நடத்தி வருகின்றனா்.